নিউজ ডেস্ক, 9 মে': বাহৰেইনত আৱদ্ধ হৈ থকা 177 গৰাকী ভাৰতীয় নাগৰিকক উদ্ধাৰ কৰি ভাৰতত উপস্থিত হয় এখন বিশেষ বিমান । শুকুৰবাৰে নিশা 11.30 বজাত আহি কোচিৰ আন্তঃৰাষ্ট্ৰীয় বিমান বন্দৰত উপস্থিত হয় বিমানখন ।
বিমানখনত থকা লোকসকল দক্ষিণ ভাৰতৰ । ইয়াৰে কৰ্ণাটক আৰু তামিলনাডুৰ চাৰিজনকৈ লোকৰ বিপৰীতে বাকী লোকসকল কেৰালাৰ । ভাৰতত উপস্থিত হোৱাৰ পাচত সকলোকে কৰণা ভাইৰাছ পৰীক্ষণ কৰা হয় । আনহাতে বাহৰেইনত কোনো ধৰণৰ পৰীক্ষা কৰা হোৱা নাছিল লোকসকলক ।
ভাৰতত আহি উপস্থিত হোৱাৰ পাচতে তেওঁলোকৰ পৰীক্ষা কৰাৰ লগতে কোৱাৰেন্টাইনৰ প্ৰট'কল সম্পৰ্কে বুজাই দিয়া হয় ৷
গৰ্ভৱতী মহিলা, শিশু আৰু বয়োজ্যেষ্ঠ লোকসকলক ঘৰতে কোৱাৰান্টাইন কৰাৰ অনুমতি প্ৰদান কৰিছে । অৱশ্যে, ৰোগৰ কোনো লক্ষণ দেখা দিলে শীঘ্ৰেই হাস্পতালত ভৰ্তি কৰাৰ নিৰ্দেশ দিয়া হৈছে । ঘৰত কোৱাৰান্টাইন কৰা লোকসকলক নিজৰ বাহন বা টেক্সিত ঘৰলৈ প্ৰেৰণ কৰা হয় ।
