নেশ্যনেল ডেস্ক,4 নৱেম্বৰঃ জম্মু-কাশ্মীৰৰ DDC(District Development Council) নিৰ্বাচনৰ প্ৰাৰ্থীক উদ্দেশ্যি গুলীচালনা অচিনাক্ত দুৰ্বৃত্তৰ ৷ শুকুৰবাৰে কাশ্মীৰ উপত্যকাত DDC নিৰ্বাচনৰ তৃতীয় পৰ্যায়ৰ ভোটগ্ৰহণ চলি থকাৰ মাজতেই অনন্তনাগ সংগম ব্লকৰ ‘অপনী পাৰ্টী’ দলৰ প্ৰাৰ্থী অনিজ আহমেদক উদ্দেশ্যি মুকলিকৈ গুলিচালনা কৰে অচিনাক্ত দুৰ্বৃত্তই ৷
বিষয়াই জনোৱা অনুসৰি, শুকুৰবাৰে দিনৰ 11.45 বজাত নিজ বাসগৃহৰ সমীপতে বন্দুকধাৰী দুৰ্বৃত্তই অনিজ আহমেদক উদ্দেশ্যি মুকলিকৈ গুলীচালনা কৰে ৷ ততাতৈয়াকৈ তেখেতক স্থানীয় হাস্পতাললৈ প্ৰেৰণ কৰা হয় যদিও সম্প্ৰতি তেখেতৰ অৱস্থা সংকটজনক বুলি জানিব পৰা গৈছে ৷ ইতিমধ্যে ঘটনা সন্দৰ্ভত অব্যাহত আছে অভিযান ৷
