নিউজ ডেক্স,13 ডিচেম্বৰঃ ৰাজ্যত ক্ৰমাৎ হিংসাত্মক হৈ পৰিছে কেব বিৰোধী আন্দোলন ৷ ভয়ংকৰ ৰূপ ধাৰণ কৰিছে আৰক্ষী আৰু প্ৰতিবাদকাৰীৰ মাজৰ সংঘাতে ৷ বুধবাৰে সন্ধিয়া আৰক্ষীৰ গুলীত 2 জন লোকৰ মৃত্যু হোৱাৰ পাছত প্ৰতিক্ৰিয়া প্ৰকাশ কৰিছে এমনেষ্টি ইণ্ডিয়াৰ কাৰ্যবাহী সঞ্চালক অবিনাশ কুমাৰে ৷ "প্ৰায়কেইখন উত্তৰ পূৱৰ ৰাজ্যতে চলি থকা কেব বিৰোধী আন্দোলন অদমনীয় হৈ পৰিছে ৷ ভাৰত চৰকাৰে অতিশীঘ্ৰে সেনাবাহিনীক প্ৰতিবাদকাৰীৰ ওপৰত আক্ৰমণাত্মক ন'হবলৈ আদেশ প্ৰেৰণ কৰা উচিত ৷ নাগৰিক সকলৰ অধিকাৰ সুৰক্ষাৰ ক্ষেত্ৰত চৰকাৰে সকলো ধৰণৰ ব্যৱস্থা গ্ৰহণ কৰা উচিত "-মন্তব্য কৰে অবিনাশ কুমাৰে ৷
প্ৰতিবাদকাৰীসকলৰ প্ৰতিবাদৰ উত্তৰ হিচাপে চৰকাৰে ৰাজ্যত বলবৎ কৰিছে সান্ধ্য আইন , ইণ্টাৰনেটৰ বাতিলৰ লগতে গ্ৰহণ কৰিছে বিভিন্ন ধৰণৰ মানৱ অধিকাৰ খৰ্ব হ'ব পৰা বিভিন্ন ব্যৱস্থা ৷ যি সময়ত চৰকাৰ তথা প্ৰশাসনৰ সাধাৰণ জনতাক সুৰক্ষা প্ৰদান কৰা তথা তেওঁলোকৰ অধিকাৰ ৰক্ষা কৰাটো দায়িত্ব হ'ব লাগিছিল সেই সময়ত চৰকাৰে ইণ্টাৰনেট বন্ধৰ দৰে সিদ্ধান্ত গ্ৰহণ কৰি আন্তঃৰাষ্ট্ৰীয় পৰ্যায়ৰ মানৱ অধিকাৰৰ মানদণ্ড নিম্নগামী কৰিছে ৷ ইণ্টাৰনেটৰ বাতিলকৰণে মানুহক তথ্য আদান প্ৰদানৰ ক্ষেত্ৰত বাধা আৰোপ কৰিছে যিয়ে মানুহৰ মত প্ৰকাশৰ অধিকাৰ খৰ্ব কৰে ৷ এমনেষ্টি ইণ্টাৰনেশ্বনেলে ভাৰত চৰকাৰক এই স্থগিতাদেশ প্ৰত্যাহাৰৰ দাবী জনাইছে ৷ প্ৰতিবাদকাৰীৰ লগত শান্তিপূৰ্ণভাৱে মোকাবিলা কৰাৰ লগতে নাগৰিকত্ব সংশোধনী বিধেয়কখন প্ৰত্যাহাৰৰো দাবী জনাইছে এমনেষ্টি ইণ্টাৰনেশ্বনেলে ৷
লগতে পঢ়কঃ লখিমপুৰত পুনৰ উত্তপ্ত পৰিস্থিতি
