নিউজ ডেস্ক, 4 মেঃ ধুমপান নকৰা লোকসকলে ধোৱাময় পৰিৱেশ ত্যাগ কৰা উচিত,যেতিয়ালৈকে ধোৱামুক্ত কৰা নহয় পৰিৱেশ ৷ ধুমপান কৰিলে সেৱন কৰোতাজনেই যে ক্ষতিগ্ৰস্ত হয় তেনে নহয়, ধুমপানৰ দ্বাৰা সৃষ্টি হোৱা ধোৱাযুক্ত পৰিৱেশে বেছি ক্ষতি কৰে ধুমপান নকৰা সকলক ৷ ইয়ে উচ্চ ৰক্তচাপৰ বৃদ্ধিৰ কাৰণ হৈ পৰে ধুমপান নকৰাৰ সকলৰ বাবে ৷
ধুমপান নকৰাসকলৰ ওপৰত চলোৱা এক অধ্যয়নত প্ৰকাশ পোৱা তথ্য অনুসৰি ধোৱাযুক্ত পৰিৱেশে অধিক ক্ষতিগ্ৰস্ত কৰে ধুমপান নকৰাসকলক ৷ ঘৰত অথবা কাৰ্যালয়ৰ ধোৱাযুক্ত পৰিৱেশে উচ্চ ৰক্তচাপৰ হোৱাৰ 13 % আশংকা বৃদ্ধি কৰে ৷ লগতে 20 বছৰ বয়সৰ পাছত ধুমপান সেৱন কৰা লোকৰ লগত সহবাস কৰিলে ইয়ে 15% উচ্চ ৰক্তচাপত আক্ৰান্ত হোৱাৰ আশংকা বৃদ্ধি কৰে ৷ লগতে 10 বছৰ তথা 10 বছৰতকৈ অধিক সময় ধুমপানযুক্ত পৰিৱেশত থাকিলে উচ্চ ৰক্তচাপত আক্ৰান্ত হোৱাৰ 17% সম্ভাৱনা থাকে ৷ ইয়ৰো হাৰ্ট কেয়াৰৰ এক বিতং আলোচনাত গৱেষক বাইংগ জিন কিমে প্ৰকাশ কৰে এই তথ্য ৷ উল্লেখ্য যে, উচ্চ ৰক্তচাপ হৈছে বিশ্বজুৰি অকাল মৃত্যুৰ অন্যতম কাৰণ৷
