বাঘৰ সন্ত্ৰাসত কলিয়াবৰত বন্ধ ৩ বিদ্যালয়

কলিয়াবৰ: সোমবাৰৰ পুৱাৰে পৰা কলিয়াবৰৰ বৰভকতি, মিৰি ভেটি, ঢেকীয়াল, কটিয়ৰী, দেৱৰ সত্ৰ বনৰজাৰ বিচৰণত শঙ্কিত হৈ থকাৰ সময়তে বনৰজাৰ বিচৰণত বুধবাৰে পুৱাতে হৈ-চৈ লাগে তিনিখনকৈ বিদ্যালয়ত । স্কুললৈ আহি বাঘৰ ভয়ত উভতিল ছাত্ৰ-ছাত্ৰী আৰু শিক্ষক-কৰ্মচাৰী ।

জখলাবন্ধাৰ ৰামানন্দদেৱ গোস্বামী হাইস্কুল, জখলাবন্ধা নিম্ন বুনিয়াদী বিদ্যালয় আৰু আয়ুস পাব্লিক স্কুলৰ পিছফালে প্ৰত্যক্ষ কৰা হ'ল প্ৰকাণ্ড ঢেকীয়াপতীয়া বাঘ । পূৰ্বতে বিচৰণ কৰি গৰু-ছাগলী নিধন কৰি আতঙ্কৰ সৃষ্টি কৰা ঢেকীয়াপটীয়াটোৱে সোণাৰী গাঁও, কামাখ্যা গাঁও, সোণাৰী চাহ বাগিচা, হাতীমূৰাৰ পৰা আহি নতুনকৈ কলঙৰ পাৰৰ হাবিয়নিত আশ্ৰয় লৈ আছিল ।

বাঘটোৱে বৰভকতি, মিৰি ভেটি, ঢেকীয়াল, কটিয়ৰী, দেৱৰ সত্ৰ অঞ্চলত সন্ত্ৰাস সৃষ্টি কৰি কেইবাটাও ছাগলী আৰু গৰু নিধন কৰিছিল । বন বিভাগে মঙলবাৰে নিশাও বাঘটো তাৰ পৰা খেদি পঠিয়াবলৈ প্ৰচেষ্টা চলায় যদিও বিফল হয় ।

অনুমান কৰা মতে, নিশা বাঘটোৱে স্থান সলনি কৰি কলঙৰ পাৰে পাৰে আহি জখলাবন্ধাৰ বৰ্তমানৰ স্থানত অৱস্থান কৰিছে ।

লগতে পঢ়ক :হাতী-বাঘে ত্ৰাসিত কৰিছে কলিয়াবৰবাসীক: প্ৰশাসনে জাৰি কৰিলে সতৰ্কতা

লগতে পঢ়ক :বাঘৰ আতংক মাৰ যোৱা নাই কলিয়াবৰত