আদিত্য ঠাকৰে উপ-মুখ্যমন্ত্ৰীৰ প্ৰস্তুাৱত মান্তি হ'ব লাগে শিৱসেনাঃ ৰামদাস আঠাৱলে

মহাৰাষ্ট্ৰত চৰকাৰ গঠনৰ ক্ষেত্ৰত বিজেপি-শিৱসেনাৰ মাজত মতানৈক্য ৷ মুখ্যমন্ত্ৰীৰ পদক লৈ দুয়োটি দলৰ মাজত সৃষ্টি হৈছে মতানৈক্যৰ ৷ কেন্দ্ৰীয় মন্ত্ৰী তথা আৰ পি আই দলৰ নেতা ৰামদাস আঠাৱলেৰ মন্তব্য আদিত্য ঠাকৰে হ'ব লাগে উপ-মুখ্যমন্ত্ৰী ৷

নিউজ ডেস্ক, 28 অক্টোবৰঃ আদিত্য ঠাকৰেৰ উপ-মুখ্যমন্ত্ৰীৰ প্ৰস্তুাৱত মান্তি হ'ব লাগে শিৱসেনাই ৷ এই মন্তব্য কেন্দ্ৰীয় মন্ত্ৰী তথা আৰ পি আই( RPI) দলৰ নেতা ৰামদাস আঠাৱেলৰ ৷

সদ্য ঘোষিত মহাৰাষ্ট্ৰ বিধানসভা নিৰ্বাচনৰ ফলাফলত বিজেপি-শিৱসেনাৰ মিত্ৰজোঁটে সৰ্বমুঠ 161 খন আসন লাভ কৰিছিল ৷ ইয়াৰ পাচতেই দুয়োটা দলৰ মাজত মুখ্যমন্ত্ৰীৰ পদক লৈ সৃষ্টি হৈছিল মতানৈক্যৰ ৷ শিৱসেনাই চৰকাৰ গঠনৰ ক্ষেত্ৰত 50-50 শতাংশ অংশীদাৰিত্ব বিচৰাৰ লগতে মুখ্যমন্ত্ৰী পদৰ দাবী জনাইছিল ৷ দুয়োটা দলৰ মাজত চলি থকা মতানৈক্য সন্দৰ্ভত দেওবাৰে কেন্দ্ৰীয় মন্ত্ৰী ৰামদাস আঠাৱেলে নিজৰ অভিমত ব্যক্ত কৰে ৷ তেখেতে কয় যে,ৰাইজৰ সিদ্ধান্তৰ প্ৰতি সন্মান প্ৰদৰ্শন কৰি দুয়োটি দলে একেলগে বিষয়টোৰ মীমাংসা কৰিব লাগে ৷ যিহেতু ইয়াৰ পূৰ্বেও ৰাজ্যত বিজেপিৰ চৰকাৰ আছিল সেয়ে মোৰ মতে দেৱেন্দ্ৰ ফাড়নাবিছ মুখ্যমন্ত্ৰী আৰু আদিত্য ঠাকৰে উপ-মুখ্যমন্ত্ৰী হ'ব লাগে ৷

লগতে পঢ়ক মুখ্যমন্ত্ৰী আঠ নম্বৰৰ সন্তান, হিমন্ত চাৰি নম্বৰৰ: আজমল

মই নিজেই বিষয়টো সন্দৰ্ভত দুয়োটা দলৰে সৈতে আলোচনা কৰিম ৷ মোৰ বিশ্বাস আগন্তুক চাৰি-পাঁচ দিনৰ ভিতৰত আমি যিকোনো এক সিদ্ধান্তত উপনীত হ'ব পাৰিম বুলিও মন্তব্য কৰে কেন্দ্ৰীয় মন্ত্ৰীগৰাকীয়ে ৷