নেশ্যনেল ডেস্ক, 29 জানুৱাৰী : দেশদ্ৰোহিতাৰ অভিযোগত বিহাৰত গ্ৰেপ্তাৰ হোৱা জে এন ইউৰ গৱেষক ছাত্ৰ শ্বাৰ্জিল ইমামক বুধবাৰে পুৱা বিহাৰৰ পাটনাৰ পৰা বিমানেৰে ট্ৰেনজিত ৰিমাণ্ডত দিল্লীলৈ অনা হয় ৷ শ্বাৰ্জিলক দিল্লীলৈ অনাৰ সময়তে পাটনা বিমান বন্দৰত আৰক্ষীয়ে সংবাদ কৰ্মীক বাতৰি সংগ্ৰহত বাধা দিয়াৰ লগতে খেদি পঠোৱাত আৰক্ষীৰ লগত সংবাদ কৰ্মীৰ হতাহতিৰ সৃষ্টি হয় ৷ এই ঘটনাত চাৰিজন সংবাদকৰ্মীৰ লগতে এজন কেমেৰামেন আহত হয় ৷
উল্লেখ্য যে, আলিগড় মুছলিম বিশ্ববিদ্যালয়ত 16 জানুৱাৰীত শ্বাৰ্জিল ইমামে অসম তথা উত্তৰ পূৰ্বাঞ্চলক দেশৰ পৰা পৃথক কৰি দিব লাগে বুলি প্ৰদান কৰা ভাষণে সমগ্ৰ দেশজুৰি তীব্ৰ প্ৰতিক্ৰিয়াৰ সৃষ্টি কৰিছিল ৷ ঘটনা সন্দৰ্ভত অসম চৰকাৰৰ মন্ত্ৰী হিমন্ত বিশ্ব শৰ্মাৰ লগতে দিল্লী আৰক্ষীয়ে শ্বাৰ্জিল ইমামৰ বিৰুদ্ধে ৰুজু কৰিছিল গোচৰ ৷ গোচৰ ৰুজু হোৱাৰ পিচৰে পৰাই পলাতক অৱস্থাত আছিল অভিযুক্ত শ্বাৰ্জিল ইমাম ৷ অৱশেষত মঙলবাৰে বিহাৰৰ জাহানাবাদ জিলাৰ কাকো আৰক্ষী চকীৰ অন্তৰ্গত এটা অঞ্চলৰ পৰা দিল্লী আৰক্ষীৰ অপৰাধ অনুসন্ধান শাখাৰ সহযোগত বিহাৰ আৰক্ষীয়ে গ্ৰেপ্তাৰ কৰে শ্বাৰ্জিল ইমামক ৷
লগতে পঢ়ক
দেশদ্ৰোহিতাৰ অভিযোগত বিহাৰত গ্ৰেপ্তাৰ জেএনইউৰ গৱেষক ছাত্ৰ শ্বাৰ্জিল ইমাম
