নেশ্যনেল ডেস্ক, 30 জানুৱাৰী : মমতা বেনাৰ্জী নেতৃত্বাধীন চৰকাৰক সমালোচনা কৰি ৰাজ্যপাল জগদ্বীপ ধাংখাৰে বৃহস্পতিবাৰে মন্তব্য কৰে যে, 'বংগত আইনৰ নিয়ম-কানুন ভংগ' হোৱা বাবে তৃণমূল কংগ্ৰেছে (TMC) অনুসন্ধান চলোৱা উচিত ৷
ইয়াৰ পাচতে তৃণমূল কংগ্ৰেছেও ক্ষিপ্ৰতাৰে ইয়াৰ প্ৰতিক্ৰিয়া প্ৰকাশ কৰি কয় যে, ৰাজ্যপালজনে কোনো নিৰ্দিষ্ট ৰাজনৈতিক দলৰ কেদাৰৰ দৰে ব্যৱহাৰ কৰিছে ৷ বাৰাকপুৰৰ গান্ধী ঘাটত সাংবাদিকক ধাংখাৰে কৈছিল, "ৰাজ্যখনত আইন প্ৰক্ৰিয়া সম্পূৰ্ণৰূপে ভংগ হৈছে ৷ আইন ব্যৱস্থাৰ স্থিতি সম্পূৰ্ণ বিধস্ত হৈ পৰিছে ৷ ৰাজ্য চৰকাৰে এইক্ষেত্ৰত কিছু গভীৰ পদক্ষেপ গ্ৰহণ কৰিব লাগে৷" দেশৰ পিতা মহাত্মা গান্ধীৰ মৃত্যু বাৰ্ষিকী উপলক্ষ্যে গান্ধী ঘাটত উপস্থিত হৈ এনেদৰে মন্তব্য কৰে ধাংখাৰে ৷
জ্যেষ্ঠ তৃণমূল কংগ্ৰেছ নেতা আৰু মন্ত্ৰী সোভৱদেব চট্টোপাধ্যায়ে প্ৰত্যুত্তৰত কয় যে, ৰাজ্যপালজনে কোনো বিশেষ ৰাজনৈতিক দলৰ কৰ্মী হিচাপে কাম কৰা বন্ধ কৰা উচিত ৷ যোৱা বছৰ জুলাই মাহত পশ্চিমবংগৰ ৰাজ্যপাল হিচাপে কাৰ্যভাৰ গ্ৰহণ কৰাৰ পাচৰে পৰা ধাংখাৰে ৰাজ্য চৰকাৰৰ বিৰুদ্ধে বহুকেইটা বিষয়ত প্ৰশ্ন উত্থাপন কৰি আহিছে ৷
আৰু পঢ়ক : CAA বিৰোধী প্ৰতিবাদত বন্ধুকধাৰীৰ আক্ৰমণত আহত জামিয়াৰ ছাত্ৰ
