ছমাহৰ ভিতৰত আৰম্ভ হ'ব ৰাম মন্দিৰ নিৰ্মাণৰ কামঃ মহন্ত নিত্য গোপাল দাস

ছমাহৰ ভিতৰতে অযোধ্যাত ৰাম মন্দিৰ নিৰ্মাণৰ কাম আৰম্ভ হ'ব বুলি জনায় ৰাম জনমভূমি তীৰ্থ ক্ষেত্ৰ ট্ৰাষ্টৰ সভাপতি মহন্ত নিত্য গোপাল দাসে ৷ এই মন্দিৰ সম্পূৰ্ণভাৱে সাৰ্বজনীন দান-বৰঙণিৰে নিৰ্মাণ কৰা হ'ব বুলিও জনায় সভাপতি গৰাকীয়ে ৷

নেশ্যনেল ডেস্ক, 22 ফেব্ৰুৱাৰীঃ ৰাম জনমভূমি তীৰ্থ ক্ষেত্ৰ ট্ৰাষ্টৰ সভাপতি মহন্ত নিত্য গোপাল দাসে, ছমাহৰ ভিতৰতে অযোধ্যাত ৰাম মন্দিৰ নিৰ্মাণৰ কাম আৰম্ভ হ'ব বুলি জনায় ৷ ইয়াৰোপৰি তেওঁ কয় যে, ট্ৰাষ্টে মন্দিৰ নিৰ্মাণৰ বাবে চৰকাৰৰ পৰা কোনো ধৰণৰ অনুদান নিবিচাৰে আৰু এই মন্দিৰ সম্পূৰ্ণভাৱে সাৰ্বজনীন দান-বৰঙণিৰে নিৰ্মাণ কৰা হ'ব ৷ সকলো ৰাজ্যৰে ৰাজ্যপাল আৰু মুখ্যমন্ত্ৰীসকলক ৰাম মন্দিৰ নিৰ্মাণত অংশগ্ৰহণ কৰিবলৈ অযোধ্যালৈ আমন্ত্ৰণ জনাইছে বুলিও জানিবলৈ দিয়ে সভাপতি গৰাকীয়ে ৷