নিউজ ডেস্ক, ২৫ জুলাইঃ বহিঃৰাজ্যত বন্দী হৈ থকা প্ৰৱাসী শ্ৰমিক সকলক নিজ ৰাজ্যলৈ ঘূৰি অনাৰ বাবে ভাৰতীয় ৰে'ল সেৱাই কৰ'ণা ভাইৰাছ সংকটৰ সময়ত তথা লক ডাউনত চলা বিশেষ শ্ৰমিকৰ ৰে'ল সেৱাৰ বাবে ২,১৪২ কোটি টকা খৰচ কৰে । কিন্তু ভাৰতীয় ৰে'ল সেৱাই বিভিন্ন ৰাজ্যসমূহৰ পৰা বৰ্তমান পৰ্যন্ত ৪২৯ কোটি টকাহে আদায় হয় বুলি শনিবাৰে এক বিবৃতিযোগে জানিবলৈ দিয়ে ভাৰতীয় ৰে'ল সেৱাই ।
ভাৰতৰ ৰাজ্য়সমূহৰ ভিতৰত গুজৰাটত আৰু মহাৰাষ্ট্ৰ শীৰ্ষ ৰাজ্য় আছিল যি প্ৰৱাসী শ্ৰমিকক অধিক হাৰত এই দুখন ৰাজ্যৰ পৰা নিজৰ নিজৰ গৃহ ৰাজ্যসমূহলৈ প্ৰেৰণ কৰা হৈছিল । আনহাতে,গুজৰাট ৰে'লৱে বিভাগে সকলোতকৈ অধিক তথা প্ৰৱাসী শ্ৰমিক ৰে'ল সেৱাৰ বাবে ১০২ কোটি টকা ভাড়া দিবলগীয়া হয় বুলি উল্লেখ কৰে । গুজৰাটত লক ডাউনৰ সময়ত ১৫ লাখ প্ৰৱাসী শ্ৰমিকক নিজ নিজ গৃহ ৰাজ্যলৈ প্ৰেৰণ কৰিবৰ বাবে মুঠ ১,০২৭ খন ৰে'ল চলাচল কৰে ।
আনহাতে,মহাৰাষ্ট্ৰৰ মুঠ ১২ লাখ প্ৰৱাশী শ্ৰমিকৰ বাবে ৮৪৪ খন ৰে'ল চলাৰ বিপৰীতে মহাৰাষ্ট্ৰ চৰকাৰে ভাৰতীয় ৰে'ল সেৱাক প্ৰদান কৰিছে ৮৫ কোটি টকা । তাৰোপৰি তামিলনাডু চৰকাৰে ৪ লাখ প্ৰৱাসী শ্ৰমিকৰ বাবে ২৭১ খন ৰে'ল চলাৰ বিপৰীতে ভাৰতীয় ৰে'ল সেৱা বিভাগক দিব লগা হৈছে ৩৪ কোটি টকা ।
লগতে চাওকঃ দহদিনত সম্পূৰ্ণ হ'ব যোৰহাটৰ অস্থায়ী ক'ভিড হাস্পতাল
