নিউজ ডেস্ক, ১৪ জুনঃ পঞ্জাৱত ৩০ জুনৰ পাচত বিশ্ববিদ্যালয় আৰু মহাবিদ্যালয় সমূহত পৰীক্ষা অনুষ্ঠিত কৰাৰ নিৰ্ণয় গ্ৰহণ কৰিব পঞ্জাৱ চৰকাৰে । ভাৰত চৰকাৰ দ্বাৰা দিয়া নতুন নিৰ্দেশৰ ভিত্তিতে গ্ৰহণ কৰা হ'ব এই সিদ্ধান্ত ।
শনিবাৰে পঞ্জাৱৰ মুখ্যমন্ত্ৰী অমৰিন্দৰ সিঙে ফেছবুকযোগে সদৰি কৰে এই কথা ।
মুখ্যমন্ত্ৰী গৰাকীয়ে কয় যে, চলিত বৰ্ষত মহামাৰী কৰ'ণাৰ ভয়াৱহতা আৰু সংকটৰ প্ৰতি লক্ষ্য ৰাখি বিশ্ববিদ্যালয় আৰু মহাবিদ্যালয় সমূহত অধিক সংখ্যক ছাত্ৰ-ছাত্ৰীক পৰীক্ষাত উত্তীৰ্ণ কৰাবলৈ অনুৰোধ কৰা হৈছিল ।
লগতে কয় যে, পঞ্জাৱৰ সকলো বিশ্ববিদ্যালয় আৰু মহাবিদ্যালয়ত প্ৰত্যক্ষ আৰু পৰোক্ষভাৱে বিশ্ববিদ্যালয় অনুদান আয়োগৰ সৈতে জড়িত । গতিকে বিশ্ববিদ্যালয়ৰ অনুদান আয়োগক আগন্তুক ১ জুলাইত পৰীক্ষা সম্বন্ধীয় বিষয়ৰ ভিতৰত নিৰ্দেশনা জাৰি কৰাৰ সম্ভৱনা আছে । লক ডাউন ৫.০ ৰ পৰা আনলক ১.০ ৰ ভিত্তিতে কেন্দ্ৰীয় চৰকাৰে এই সিদ্ধান্ত গ্ৰহণ কৰিব ।
আনহাতে, দেশৰ কিছুসংখ্যক ৰাজ্যৰ বিশ্ববিদ্যালয় আৰু মহাবিদ্যালয়ত পৰীক্ষা সন্দৰ্ভত মুখ্যমন্ত্ৰী অমৰিন্দৰ সিঙে কয় যে, এনেদৰে পৰীক্ষা অনুষ্ঠিত কৰি কেন্দ্ৰীয় চৰকাৰৰ নিৰ্দেশনা উলংঘা কৰা হৈছে । কেৱল ৰাজ্য চৰকাৰে এই বিষয়ত সিদ্ধান্ত গ্ৰহণ কৰিব নোৱাৰে ।
