নিউজ ডেস্ক,28 অক্টোবৰ : আজি বিহাৰৰ দাৰভাংগা,মুজফ্ফৰপুৰ আৰু পাটনা এই তিনি ঠাইত নিৰ্বাচনী ৰেলীত অংশগ্ৰহণ কৰিব প্ৰধানমন্ত্ৰী নৰেন্দ্ৰ মোদীয়ে ৷ ৰাজ্যখনত ইতিমধ্যে প্ৰথম পৰ্যায়ৰ ভোটদান কাৰ্যসূচী আৰম্ভ হৈছে ৷
আনহাতে দ্বিতীয় আৰু তৃতীয় পৰ্যায়ৰ ভোটদান ক্ৰমে 3 নৱেম্বৰ আৰু 7 নৱেম্বৰত অনুষ্ঠিত হ’ব ৷ আগন্তুক 10 নৱেম্বৰত ভোট গণনা কাৰ্যসূচী আৰম্ভ হ’ব ৷
আজি দ্বিতীয়বাৰৰ বাবে প্ৰধানমন্ত্ৰীয়ে বিহাৰত নিৰ্বাচনী ৰেলীত ভাগ ল’ব ৷ ইয়াৰ পূৰ্বে তেওঁ 23 অক্টোবৰত ৰাজ্যখনত তিনি পৰ্যায়ৰ ৰাজ্যিক বিধানসভাৰ নিৰ্বাচনৰ বাবে প্ৰচাৰ চলাইছিল ৷ সম্পূৰ্ণ ক’ভিড প্ৰট’কল মানি ৰেলী সম্পন্ন কৰা সন্দৰ্ভত প্ৰধানমন্ত্ৰী মোদীয়ে দাৰভাংগাৰ জিলা দণ্ডাধীশ এছএম ত্যাগৰাজনৰ সৈতে বৈঠকত মিলিত হয় ৷
বিহাৰৰ ৰাজধানী পাটনাৰ বিমান বন্দৰৰ সমীপত থকা পশু চিকিৎসালয়ত আনখন নিৰ্বাচনী ৰেলী অনুষ্ঠিত হ’ব ৷
লগতে পঢ়ক : অৰুণাচলত আটক NSCN(R)ৰ এজন সক্ৰিয় কেডাৰ
