কেজৰিৱালৰ শপত গ্ৰহণত উপস্থিত নাথাকে প্ৰধানমন্ত্ৰী মোডী

কেজৰিৱালৰ শপত গ্ৰহণত উপস্থিত নাথাকে প্ৰধানমন্ত্ৰী মোডী ৷ বাৰাণসী ভ্ৰমণৰ বাবে শপত গ্ৰহণত উপস্থিত থাকিব নোৱাৰে মোডী ৷

নেশ্যনেল ডেস্ক, 14 ফেব্ৰুৱাৰী: ক্ৰমান্বয়ে তৃতীয়বাৰৰ বাবে দিল্লীৰ গাদী দখল কৰা মুখ্যমন্ত্ৰী অৰবিন্দ কেজৰিৱালৰ শপত গ্ৰহণ অনুষ্ঠানত উপস্থিত নাথাকে প্ৰধানমন্ত্ৰী নৰেন্দ্ৰ মোডী ৷ তেওঁৰ লোকসভা সমষ্টি বাৰাণসীত বহুকেইটা আঁচনি উদ্বোধনী অনুষ্ঠানত অংশগ্ৰহণ কৰিবৰ বাবে শপত গ্ৰহণত অনুপস্থিত থাকিব মোডী ৷ উল্লেখ্য যে, দিল্লীৰ ৰামলীলা ময়দানত দেওবাৰে পুৱা 10 বজাত আয়োজন কৰা হ'ব কেজৰিৱালৰ শপত গ্ৰহণ অনুষ্ঠান ৷

কেজৰিৱালৰ শপত গ্ৰহণত উপস্থিত নাথাকে প্ৰধানমন্ত্ৰী মোডী

এক সংবাদ মাধ্যমৰ আগত আম আদমী পাৰ্টীয়ে জানিবলৈ দিয়া অনুসৰি, প্ৰধানমন্ত্ৰী গৰাকীলৈ আমন্ত্ৰণ জনাই ইতিমধ্যেই পত্ৰ প্ৰেৰণ কৰা হৈছে ৷ প্ৰধানমন্ত্ৰী মোডীয়ে তেওঁৰ বাৰাণসী ভ্ৰমণৰ সময়ত বেনাৰস হিন্দু বিশ্ববিদ্যালয়ত বৈদিক বিজ্ঞান কেন্দ্ৰৰ লগতে অন্য বহুকেইটা আঁচনিৰ উদ্বোধন কৰিব ৷

আৰু পঢ়ক : শুকুৰবাৰে অন্ত পৰিল বিদেশী প্ৰতিনিধি দলৰ জম্মু-কাশ্মীৰ ভ্ৰমণ কাৰ্যসূচী