নিউজ ডেস্ক, ২৫ এপ্ৰিলঃ শনিবাৰে প্ৰৱাসী ভাৰতীয় চেলৰ জৰিয়তে উচ্চতম ন্যায়ালয়ত জনস্বাৰ্থজনিত আৱেদন দাখিল কৰা হয় । বিদেশত থকা ভাৰতীয় নাগৰিকৰ মৃতদেহ দেশলৈ আনিবৰ বাবে এই আৱেদন দাখিল কৰা হয় । COVID-19 তথা অন্য কাৰণত বিদেশত মৃত্যু হোৱা ব্যক্তিসকলৰ মৃতদেহ ঘূৰাই আনিবলৈ অনুৰোধ জনাই আৱেদন দাখিল কৰে প্ৰৱাসী ভাৰতীয় চেলে ।
আৱেদনখনত উল্লেখ কৰে যে, প্ৰবাসী ভাৰতীয়ৰ নশ্বৰ মৃতদেহ বিদেশৰ পৰা অনাৰ ব্যৱস্থা গ্ৰহণ নকৰিলে নাগৰিকসকলৰ মৌলিক অধিকাৰ খৰ্ব হ'ব । লগতে এই সম্পৰ্কত চৰকাৰৰ জ্ঞানৰ অভাৱ সূচাব বুলি উল্লেখ কৰা হৈছে ৷ মৃতদেহক শেষ মৰ্যাদা নিদিয়াকৈ সমাধিস্থ কৰাৰ ফলত নাগৰিকৰ মৌলিক অধিকাৰ খৰ্ব হব বুলি উল্লেখ কৰা হয় জনস্বাৰ্থজনিত আৱেদনখনত ৷
আনহাতে, আৱেদনত উচ্চতম ন্যায়ালয়ৰ "right to decent burial is a facet of Right to life." শুনানিও উল্লেখ কৰে ।
