চেন্নাই, 13 এপ্ৰিলঃ যথেষ্ট সমালোচিত হোৱাৰ পাচত তামিলনাডুৰ মুখ্যমন্ত্ৰী কে পালানীস্বামীয়ে সোমবাৰে স্পষ্টীকৰণ দি কয় যে, সাহায্য বিতৰণৰ ক্ষেত্ৰত কোনো NGO বা ব্যক্তিলৈ নিষেধাজ্ঞা নাই ।
কিছুদিন পূৰ্বে জনতাক সকীয়াই দি কৈছিল যে, লকডাউন ভংগ কৰি কোনো দল বা সংগঠন বা ব্যক্তিয়ে সাহায্য বিতৰণ কৰিলে কঠোৰ ব্যৱস্থা লোৱা হ'ব ।
সোমবাৰে চৰকাৰী জাননীত স্পষ্টীকৰণ দি মুখ্যমন্ত্ৰী গৰাকীয়ে কয় যে, জনতাক প্ৰশাসনৰ লগত সহযোগীতা কৰাৰহে পৰামৰ্শ দিছিল যাতে তেওঁলোকে প্ৰদান কৰা সামগ্ৰী সমূহ প্ৰয়োজনীয় লোকৰ হাতলৈ নিৰাপদে পঠিয়াব পাৰে ।
তেওঁ কয় যে, ছুনামী, ধুমুহা আদিত সাহায্য দিলে সামাজিক দূৰত্ব ৰাখিব নালাগে । কিন্তু এই বিপদত সাহায্য দিলেও সামাজিক দূৰত্ব ৰাখিব লাগিব । তেওঁ লগতে কয় যে, তেওঁ জনতাক জনোৱা আহ্বানক বিৰোধীয়ে ভুল প্ৰচাৰ কৰি ভুল বুজাবুজিৰ সৃষ্টি কৰিছিল ।
