নেশ্য়নেল ডেস্ক, 27 এপ্ৰিল : ৰাষ্ট্ৰজোৰা লক ডাউনৰ অন্ত পৰিবলৈ মাজত মাথো কেইটামান দিন থকাৰ সময়তে সোমবাৰে প্ৰধানমন্ত্ৰী মোডীয়ে ৰাজ্যসমূহৰ মুখ্য় মন্ত্ৰীসকললৈ এক বাৰ্তা প্ৰেৰণ কৰিছে ৷ এই সময়ছোৱাত অৰ্থনীতিৰ ওপৰত গুৰুত্ব আৰোপ কৰাৰ লগতে কৰ'ণা ভাইৰাছ প্ৰতিহত কৰিবলৈ যুঁজ অব্যাহত ৰাখিব লাগিব বুলি মন্তব্য কৰে প্ৰধানমন্ত্ৰী মোডীয়ে ৷
23 মাৰ্চৰ পৰা মুখ্য়মন্ত্ৰীসকলৰ সৈতে চতুৰ্থবাৰৰ বাবে ভিডিঅ' কনফাৰেন্সিঙত অংশগ্ৰহণ কৰি মোডীয়ে সকলো মুখ্যমন্ত্ৰীকে নিজ নিজ ৰাজ্যৰ কৰ'ণা ভাইৰাছ হটস্পট এলেকাসমূহত কঠোৰ নিৰ্দেশাৱলী জাৰি কৰিবলৈ নিৰ্দেশ প্ৰদান কৰে ৷ প্ৰধানমন্ত্ৰী গৰাকীয়ে কয় যে,লক ডাউনে দেশত যোগাত্মক ফলাফল প্ৰদান কৰিছে আৰু যোৱা ডেৰ মাহত লক ডাউনৰ ফলত হাজাৰ লোকৰ প্ৰাণ ৰক্ষা পৰিছে ৷
"বৰ্তমানলৈকে দেশে দুটাকৈ লক ডাউন পালন কৰিলে ৷ এতিয়া আমি ইয়াৰ উৰ্ধত চিন্তা কৰিব লাগিব ৷ বিশেষজ্ঞসকলৰ মতে,কৰ'ণা ভাইৰাছ অহা কিছু মাহলৈকে পৰিস্ফুত হৈ থাকিব" - মোডীয়ে কয় ৷
তেওঁ লগতে কয় যে,অহা কিছু সময়ৰ বাবে মাস্ক মানুহৰ জীৱনৰ অংশ হৈ পৰিব ৷ বৰ্তমানৰ সংকটময় পৰিস্থিতিত সকলোৱে খৰটকীয়াকৈ ব্যৱস্থা গ্ৰহণৰ বাবে সাজু থকা উচিত ৷ এই বৈঠকত কেন্দ্ৰীয় মন্ত্ৰী অমিত শ্বাহ,হৰ্ষ বৰ্ধন আৰু প্ৰধানমন্ত্ৰীৰ কাৰ্যালয়ৰ উচ্চপদস্থ বিষয়-ববীয়াসকলো উপস্থিত আছিল ৷ এই বৈঠকত উপস্থিত থকা মুখ্যমন্ত্ৰীসকল হৈছে অৰবিন্দ কেজৰিবাল (দিল্লী), উদ্ধৱ থাকৰে (মহাৰাষ্ট্ৰ), ই. কে. পালানিস্বামী (তামিলনাডু), কনৰাড ছাংমা (মেঘালয়), ত্ৰিবেন্দু সিং ৰাৱট (উত্তৰাখণ্ড) আৰু যোগী আদিত্যনাথ (উত্তৰ প্ৰদেশ) সৰ্বানন্দ সোণোৱাল(অসম)
