নিউজ ডেস্ক,২৫ জুন: নিষিদ্ধ ঘোষিত নক্সালবাদী সংগঠন চিপিআই(মাওবাদী)য়ে সিংহভূম জিলাৰ আভ্যন্তৰীণ গ্ৰাম্যাঞ্চল সমূহত হাতে লিখা পত্ৰ বিতৰণ কৰি প্ৰতিখন গাঁৱৰ পৰা অতি কমেও ১০ জনকৈ যুৱক-যুৱতীক সংগঠনত যোগদান কৰাবৰ বাবে গাঁওবুঢ়া সকলক কঠোৰ নিৰ্দেশনা জাৰি কৰিছে । পত্ৰ পোৱাৰ পাছতে পশ্চিম সিংহভূম জিলাৰ গ্ৰাম্যাঞ্চল সমূহত এতিয়া আতংকই বিৰাজ কৰা পৰিলক্ষিত হৈছে ।
প্ৰাপ্ত তথ্য অনুসৰি নিষিদ্ধ সংগঠন চিপিআই(মাওবাদী)য়ে সংগঠনত সদস্যভৰ্তি কৰাবৰ বাবে গাঁৱৰ প্ৰধান অৰ্থাৎ গাঁওবুঢ়া সকলক উদ্দেশ্যি হাতে লিখা পত্ৰৰ দ্বাৰা অৱগত কৰা হৈছে নিৰ্দেশনা । যিকোনো প্ৰকাৰে প্ৰতিখন গাঁৱৰ পৰা ১০ গৰাকীকৈ যুৱক-যুৱতীক সংগঠনত যোগান নধৰিলে তাৰ পৰিণতিত যিকোনো ভয়াবহ বিপদৰো ভাবুকি প্ৰদান কৰা হৈছে গাঁওবুঢ়া সকলক ।
এই পত্ৰ পোৱাৰ পাছতে সকলো হৈ পৰিছে স্তম্ভিত, আতংকিত । ইতিমধ্যে সমগ্ৰ বিষয়টো অৱগত হোৱাৰ পাছতে জিলা আৰক্ষী অধীক্ষক ইন্দ্ৰজিৎ মাহাথাই গোচৰ ৰুজু কৰিবৰ বাবে সকলোকে নিৰ্দেশনা দিয়া পৰিলক্ষিত হৈছে । আৰক্ষী অধীক্ষক গৰাকীৰ তৎপৰতাৰ পাছতেই চিপিআই(মাওবাদী)ৰ সদস্য প্ৰশান্ত বসু, মিচিৰ বেচৰা, সুৰেশ মুণ্ডাকে ধৰি বহুকেইজন ব্যক্তিৰ বিৰুদ্ধে গোচৰ ৰুজো কৰা পৰিলক্ষিত হয় । শেহতীয়াকৈ নক্সালবাদী সংগঠনৰ বিৰুদ্ধে সেনা-আৰক্ষীয়ে লোৱা অভিযানৰ ফলত অতিকে বেয়া ধৰণে ক্ষতিগ্ৰস্ত হৈছে নিসিদ্ধ সংগঠন চিপিআই (মাওবাদী) ।
লগতে পঢ়ক : গালৱান ভেলীলৈ উভতি আহিছে পিপলছ লিবাৰেছন আৰ্মী
