পুলৱামাত শ্বহীদ সেনা জোৱান, নিহত সন্ত্ৰাসবাদী

সংঘৰ্ষত সেনাৰ গুলিত এজন সন্ত্ৰাসবাদীও নিহত হয় ৷

শ্ৰীনগৰ, 7 জুলাই : জম্মু কাশ্মীৰৰ পুলৱামাত সন্ত্ৰাসবাদীৰে হোৱা সংঘৰ্ষত মঙলবাৰে এজন সেনা জোৱান শ্বহীদ হোৱাৰ লগতে গুৰুতৰভাবে আহত হয় আন এজন সেনা জোৱান ৷ সংঘৰ্ষত সেনাৰ গুলিত এজন সন্ত্ৰাসবাদীও নিহত হয় ৷ কাশ্মীৰ আৰক্ষীয়ে প্ৰকাশ কৰে এই কথা ৷

জম্মু কাশ্মীৰৰ পুলৱামাৰ গছুত মঙলবাৰে পুৱা নিৰাপত্তাৰক্ষী আৰু সন্ত্ৰাসবাদীৰ মাজত সংঘৰ্ষ হয় ৷ সেনা আৰু কাশ্মীৰ আৰক্ষীয়ে যুটীয়াভাবে অব্যাহত ৰাখে অভিযান ৷

ইয়াৰ পূৰ্বে 4 জুলাইত দক্ষিণ কাশ্মীৰৰ কুলগাম জিলাত নিৰাপত্তাৰক্ষীৰে হোৱা সংঘৰ্ষত নিহত হয় দুই সন্ত্ৰাসবাদী ৷ এই ঘটনাত এজন জোৱান গুৰুতৰভাবে আহত হয় ৷ সন্ত্ৰাসবাদীৰ সন্ধানত সেনাই অঞ্চলটোত অব্যাহত ৰাখিছিল অভিযান ৷

লগতে পঢ়ক : ছত্তিছগড়ত নক্সালবাদীৰ IED বিস্ফোৰণত ডি আৰ জিৰ সদস্য আহত