নিউজ ডেস্ক, ৮ মাৰ্চঃ শুকুৰবাৰে ভাৰত-পাকিস্তান সীমান্তৰ শোভাচৰত দুৰ্ঘটনাত পতিত হয় ভাৰতীয় বায়ু সেনাৰ এখন মিগ-২১ যুঁজাৰু বিমান । নিয়মীয়া উৰণৰ সময়তে দুৰ্ঘটনাগ্ৰস্ত হয় বিমানখন । বিমান দুৰ্ঘটনাগ্ৰস্ত হোৱাৰকথা সদৰী কৰে বিকানেৰৰ কালেক্টৰ কুমাৰ পাল গৌতমে ।
ভাৰত-পাকিস্তান সীমান্তত দুৰ্ঘটনাগ্ৰস্ত মিগ-২১
অৱশ্যে এই দুৰ্ঘটনাত কথমপি প্ৰাণ ৰক্ষা পৰে পাইলট জনৰ । কি কাৰণত এই দুৰ্ঘটনা সংঘটিত হ'ল তাৰ ইতিমধ্যে অনুসন্ধান অব্যাহত ৰাখিছে বায়ু সেনাই । কিন্তু প্ৰত্যক্ষদৰ্শীৰ মতে চৰাইৰ খুন্দাৰ ফলতেই বিমানখন দুৰ্ঘটনাৰ সন্মুখীন হোৱা বুলি জানিবলৈ দিয়ে । ঘটনাস্থলীত বায়ু সেনা আৰু আৰক্ষী উপস্থিত হৈ ঘটনা সন্দৰ্ভত প্ৰাৰম্ভিক তদন্ত অব্যাহত ৰাখিছে ।
