নেশ্য়নেলডেস্ক,2 নৱেম্বৰ: ৰবিবাৰে বেংগালুৰু বিমান বন্দৰত 72 লাখ টকাৰ নিচাযুক্ত সামগ্ৰী জব্দ হয় ৷ আমেৰিকাৰ পৰা বেংগালুৰুলৈ পঠোৱা হৈছিল নিচাযুক্ত সামগ্ৰীখিনি ৷ খেলনা সামগ্ৰীৰ পেকেটত সামগ্ৰীখিনি আমেৰিকাৰ কেম্পেগৌড়া আন্তৰ্জাতিক বিমান বন্দৰৰ পৰা পঠিওৱা হৈছিল ৷ বিমান বন্দৰত যেতিয়া পেকেটতো পৰীক্ষা কৰা হয় তেতিয়া তাৰ ভিতৰত কিছু সন্দেহজনক সামগ্ৰী থকাৰ উমান পায় ৷ তালাচীত 448 গ্ৰাম ওজনৰ 72 লাখ টকা মূল্যৰ নিচাযুক্ত সামগ্ৰী জব্দ হয় ৷ সীমা শুল্ক বিভাগে জনোৱা মতে,NDPS আইনৰ অধীনত গোচৰ ৰুজু কৰাৰ লগতে প্ৰাৰম্ভিক তদন্ত আৰম্ভ কৰিছে ৷
ইয়াৰ আগতেও অক্টোবৰ মাহত বেংগালুৰুৰ সুব্ৰমান্য নগৰৰ এখন দোকানত বৃহৎ পৰিমাণৰ 50 টকীয়া নিচাযুক্ত চকলেট জব্দ কৰিছিল ৷ আৰক্ষীয়ে জনোৱা মতে, শিশুৰ চকলেট, কলেজীয়া ছাত্ৰ, যুৱক তথা মহিলাসকলৰ মাজত এই নিচাযুক্ত সামগ্ৰীখিনি বিক্ৰী কৰাৰ উদ্দেশ্যে উত্তৰ প্ৰদেশৰ পৰা বেংগালুৰুলৈ লৈ যোৱা হৈছিল ৷
লগতে পঢ়ক: উত্তৰ প্ৰদেশত পথ দুৰ্ঘটনাত নিহত ছগৰাকী
