পানাজী (গোৱা), 16 মাৰ্চ: স্বাস্থ্য পৰীক্ষাৰ শেহতীয়া ফলাফল অনুসৰি গোৱাৰ মুখ্যমন্ত্ৰী মনোহৰ পাৰিকৰৰ স্বাস্থ্যৰ উন্নতি হোৱাৰ কথা শনিবাৰে প্ৰকাশ কৰিলে মুখ্যমন্ত্ৰী কাৰ্যালয়ে (CMO) ৷ ইয়াৰোপৰিও, শনিবাৰে পাৰিকৰ স্বাস্থ্যৰ খৱৰ ল’বলৈ চিকিৎসালয়ত উপস্থিত হ’ল প্ৰাক্তন বিধায়ক সিদ্ধাৰ্থ কুনচালিয়েনকাৰ ৷ পাৰিকৰক সাক্ষাৎ কৰি বিধায়কগৰাকীয়ে সংবাদ মাধ্যমক জনাই যে, পাৰিকৰ স্বাস্থ্যৰ কিছু উন্নতি ঘটিছে ৷ নিয়মীয়াকৈ স্বাস্থ্য পৰীক্ষা কৰি থকা হৈছে মন্ত্ৰীগৰাকীক ৷
মনোহৰ পাৰিকৰ কৰ্কট ৰোগত জটিল পৰ্যায়ত থকাৰ কথা যোৱা 4 মাৰ্চত ঘোষণা কৰিছিল কেবিনেট মন্ত্ৰী বিজয় সৰদেশাইয়ে ৷ তেওঁ লগতে কৈছিল যে, পাৰিকৰে তথাপিও ৰাজ্যবাসীৰ হৈ কাম কৰি যাব ৷ যোৱা বৰ্ষৰ পৰাই পাৰিকৰে গোৱা, মুম্বাই, দিল্লী আৰু নিউয়ৰ্কত আদি বিভিন্ন চিকিৎসালয়সমূহৰ পৰা চিকিৎসা গ্ৰহণ কৰি আছে ৷ শেহতীয়া খৱৰ অনুসৰি অৱশেষত তেখেতৰ স্বাস্থ্যৰ উন্নতি হোৱাৰ কথা জানিব পৰা গৈছে ৷
