নিউজ ডেস্ক, ৭ জুন : দীৰ্ঘদিনৰ লক্ ডাউনৰ অন্তত দেশৰ ৰাজধানী নতুন দিল্লীত সোমবাৰৰ পৰা চপিং ম'ল সমূহ খুলিবলৈ অনুমতি প্ৰদান কৰিছে ।
আম আদমী পাৰ্টিৰ কনভেনাৰ বুজেছ গোয়ালে জনোৱা অনুসৰি, ৰাজধানী দিল্লীত সৰ-বৰ ১০০ টা চপিং ম'ল আছে ।
তেখেতে আকৌ জনাই যে, লক্ ডাউনৰ বাবে চপিং ম'লত কৰ্মৰত কৰ্মচাৰীৰ যথেষ্ট অসুবিধাৰ সন্মুখীন হৈছে । এই ম'ল সমূহত প্ৰায় ১০০০ লোক কৰ্মৰত হৈ আছে । ম'ল সমূহ সামাজিক দুৰত্বত আৰু স্বাস্থ বিধি মানি খুলিবলৈ অনুমতি প্ৰদান কৰিছে প্ৰশাসনে । ম'লত অহা সকলো লোককে মাস্ক পৰিধান কৰাৰ লগতে আৰোগ্য সেতু ব্যৱহাৰ কৰাটো বাধ্যতামূলক কৰিছে প্ৰশাসনে ।
সকলো ম'লৰ প্ৰৱেশ দ্ধাৰত স্কিনিং মেচিনৰ লগতে চেনিটাইজাৰ দিয়াতো বাধ্যতামূলক কৰিছে প্ৰশাসনে ।
আনহাতে, ম'ল সমূহত গৰ্ভৱতী মহিলা, ১০ বছৰৰ তলৰ শিশু আৰু ৬৫ বছৰৰ ওপৰৰ বৃদ্ধ লোকক প্ৰৱেশ কৰিবলৈ অনুমতি প্ৰদান নকৰে কতৃপক্ষই ।
লগতে পঢ়ক : ট্ৰাম্পৰ ফেচবুক পোষ্টৰ বিৰুদ্ধে ব্যৱস্থা ল'বলৈ চান জুকাৰবাৰ্গ শাখাৰ ১৪০ জন বিজ্ঞানীৰ আহ্বান
