নেশ্যনেল ডেস্ক, 13 মে' : মহাৰাষ্ট্ৰৰ য়াবাৎমলৰ পালাস্বাৰী কেম্পত মঙলবাৰে সন্ধিয়া ভাগত এজন আৰক্ষী কনিষ্টবলে আত্মহত্যা কৰে ৷ 27 বৰ্ষীয় জোৱানজনৰ নাম হৈছে সঞ্জয় সাৱলে ৷
আৰক্ষীৰ মুখ্য কাৰ্যালয়ত কৰ্মৰত জোৱানজনে অকলশৰে বাস কৰি আছিল বুলি জানিব পৰা গৈছে ৷ আনহাতে, আত্মহত্যাৰ সময়ত তেওঁৰ গৰ্ভৱতী পত্নী মাতৃৰ ঘৰলৈ গৈছিল বুলি আৰক্ষীৰ সূত্ৰত প্ৰকাশ ৷
এজন আৰক্ষী বিষয়াই জানিবলৈ দিয়া অনুসৰি, সন্ধিয়া প্ৰায় 8.30 বজাত তেওঁক ফেনত ছিপজৰী লৈ থকা অৱস্থাত উদ্ধাৰ কৰা হয় ৷ ঘটনা সম্পৰ্কত এক গোচৰ ৰুজু কৰা হৈছে আৰু তদন্ত আৰম্ভ কৰা হৈছে বুলি জানিবলৈ দিয়ে বিষয়াজনে ৷
