নেশ্যনেল ডেস্ক, 10 মাৰ্চ : দিল্লীৰ সংঘৰ্ষ সম্পৰ্কত বুধবাৰে লোকসভাত সদনৰ 193 সংখ্যক নিৰ্দেশনাৰ অধীনত আলোচনাচক্ৰ অনুষ্ঠিত হ'ব ৷ কংগ্ৰেছে এই বিষয় সন্দৰ্ভত বহু পূৰ্বৰে পৰা আলোচনা কৰিবৰ বাবে আহ্বান জনাই আহিছিল যদিও চৰকাৰে হোলীৰ পাচতহে এই সম্পৰ্কত তৰ্কত অৱতীৰ্ণ হ'ব বুলি জনাই আহিছিল ৷
লোকসভাৰ বুলেটিনে প্ৰদান কৰা তথ্য অনুসৰি, সদনত কংগ্ৰেছ নেতা অধীৰ ৰঞ্জন চৌধুৰী আৰু বিজেপিৰ মিনাক্ষী লেখীয়ে 'দিল্লীৰ শেহতীয়া আইন-কানুন পৰিস্থিতি' সম্পৰ্কত আলোচনা কৰিব ৷
ইয়াৰোপৰি, কংগ্ৰেছে মধ্য প্ৰদেশৰ শেহতীয়া ৰাজনৈতিক সংকট সম্পৰ্কতো আলোচনা কৰিব ৷ উল্লেখ্য যে, কংগ্ৰেছৰ জ্যেষ্ঠ নেতা দ্বিগ্বিজয় সিঙে মন্তব্য কৰিছিল যে, বিজেপিয়ে চাৰ্টাৰ্ড বিমানৰ জৰিয়তে বাংগালুৰুলৈ কংগ্ৰেছ বিধায়ক সকলক লৈ যোৱাৰ তেওঁৰ ওচৰত প্ৰমাণ আছে ৷
আনহাতে, সদনত নগৰ বিমান মন্ত্ৰী হৰদ্বীপ সিং পুৰীয়ে The Aircraft (Amendment) Bill, 2020 উত্থাপন কৰিব ৷ লগতে স্বাস্থ্য আৰু বৈদেশিক পৰিক্ৰমাৰ দৰে তিনিটা মন্ত্ৰণালয়ক অনুমোদন জনাবৰ বাবেও নিম্ন সদনত আলোচনা কৰা হ'ব ৷
আৰু পঢ়ক : কংগ্ৰেছক উপহাস বিজেপি দলৰ : সিন্ধিয়াৰ পদক্ষেপক আদৰণি
