নিউজ ডেস্ক, ৮ জুলাইঃ কাণপুৰ এনকাউণ্টাৰৰ মুখ্য অপৰাধী বিকাশ ডুবেৰ ঘনিষ্ঠ তথা গেংগষ্টাৰ অমৰ ডুবেৰ মৃত্যু । বুধবাৰে পুৱা হমীৰপুৰত উত্তৰ প্ৰদেশ স্পেচিয়েল টাস্ক ফোৰ্চৰ সৈতে হোৱা সংঘৰ্ষত নিহত হয় অমৰ ডুবে ।
মঙলবাৰে উত্তৰ প্ৰদেশৰ কাণপুৰ আৰক্ষীৰ মোষ্ট ৱাণ্টেড অপৰাধী তথা কাণপুৰ এনকাউণ্টাৰৰ মূল অভিযুক্ত বিকাশ ডুবেৰ অভিযানতে জিলাখনৰ ভিন্ন ঠাইত পোষ্টাৰ লগাই কাণপুৰ আৰক্ষীয়ে । বহুকেইখন জিলাৰ আৰক্ষী থানা,বজাৰ তথা বহু কেইটা ৰাজহুৱা স্থানত পোষ্টাৰ লগোৱা হয় বিকাশ ডুবেৰ । লগতে এনকাউণ্টাৰত জড়িত ডুবেৰ সহযোগীসকলৰ পোষ্টাৰ লগোৱাৰ উপৰিও ডুবেৰ আত্মীয় জয় বাজপেয়ীৰ বাসগৃহতো মঙলবাৰে তালাচী অভিযান চলাই কাণপুৰ আৰক্ষীয়ে ।
তাৰ মাজতে বুধবাৰে পুৱা উত্তৰ প্ৰদেশৰ স্পেচিয়েল টাস্ক ফোৰ্চে চলোৱা অভিযানৰ সময়তে পুনৰ সংঘৰ্ষ হয় বিকাশ ডুবেৰ ঘনিষ্ট তথা গেংগষ্টাৰ অমৰ ডুবেৰ । যাৰ ফলত সংঘৰ্ষত নিহত হয় অমৰ ডুবে । আনহাতে,মূল অভিযুক্ত বিকাশ ডুবেক গ্ৰেপ্তাৰৰ ক্ষেত্ৰত সহায় কৰা লোকক ২.৫ লাখ টকা প্ৰদান কৰিব বুলিও সদৰি কৰে আৰক্ষীয়ে। তাৰোপৰি কাণপুৰ আৰক্ষীয়ে বিকাশ ডুবেৰ ভাৰত-নেপাল সীমান্তৰ উত্ৰাব টোল প্লাজা আৰু লখীমপুৰ জিলাটো ডুবেৰ পোষ্টাৰ লগাই বুলি জানিবলৈ দিয়ে ।
ঘটনা সন্দৰ্ভত কাণপুৰৰ আইজিপি মোহিত আগৰৱালে কয় যে,ছোৱেপুৰ আৰক্ষী থানাত সকলো কৰ্মী কাণপুৰ এনকাউণ্টাৰ সন্দৰ্ভত তদন্ত অব্যাহত কৰিছে । য'ত বিকাশ ডুবে সহযোগীসকলক লগত লৈ আৰক্ষীৰ ওপৰত গুলীবৰ্ষণ কৰিছিল । আনহাতে, উত্তৰ প্ৰদেশৰ এডিজি প্ৰশান্ত কুমাৰে মঙলবাৰে কয় যে, উত্তৰ প্ৰদেশ আৰু স্পেচিয়েল টাস্ক ফোৰ্চৰ মুঠ ৪০ টা দলে ঘটনা সন্দৰ্ভত কাম কৰি আছে ।
উল্লেখ্য যে, বিকাশ ডুবে কাণপুৰ এনকাউণ্টাৰৰ মুখ্য অপৰাধী । অপৰাধী বিকাশ ডুবেক ঘটনা সন্দৰ্ভত বিগত ২ জুলাইত আৰক্ষীয়ে গ্ৰেপ্তাৰ কৰিবলৈ লয় যদিও ঘটনাস্থলীত মুঠ ৮ গৰাকী আৰক্ষীক গুলীয়াই তাৰ পৰা পলায়ন কৰে বিকাশ ডুবেসহ সহযোগী ।
লগতে চাওকঃ লক ডাউনে সমৃদ্ধ কৰিছে অসম আৰক্ষীৰ পূঁজি
