নিউজ ডেস্ক, 18 নৱেম্বৰ: দেশৰ আগশাৰীৰ বিশ্ববিদ্যালয় জৱাহৰলাল নেহেৰু বিশ্ববিদ্যালয়ত অব্যাহত আছে মাচুল বৃদ্ধিৰ প্ৰতিবাদত ছাত্ৰ-ছাত্ৰীৰ আন্দোলন ৷ সোমবাৰে বিয়লি মাচুল বৃদ্ধি উঠাই লোৱাৰ প্ৰতিবাদত জে এন ইউৰ ছাত্ৰসকলে সংসদ ভৱনলৈ মাৰ্চ কৰি ব্যাপক প্ৰতিবাদ সাব্যস্ত কৰে যাৰ ফলত প্ৰতিবাদকাৰী শিক্ষাৰ্থীসকলৰ ওপৰত জপিয়াই পৰিল চৰকাৰী আৰক্ষী বাহিনী ৷ ষ্ট্ৰীট লাইট বন্ধ কৰি জে এন ইউৰ প্ৰতিবাদকাৰী ছাত্ৰৰ ওপৰত লাঠি চালনা কৰিলে দিল্লী আৰক্ষীয়ে যাৰ ফলত গুৰুতৰ ভাৱে আহত হল বিশ্ববিদ্যালয়খনৰ কেইবাজনো ছাত্ৰ ৷ ইফালে ছাত্ৰসকলৰ প্ৰতিবাদৰ ফলত ৰাজধানীৰ গ্ৰীণ পাৰ্কৰ পৰা আৰম্ভ কৰি লোধী ৰোডলৈকে বৃহৎ ট্ৰেফিক জামৰ সৃষ্টি হয় ৷ জে এন ইউৰ ছাত্ৰসকলৰ এই প্ৰতিবাদৰ ফলত দিল্লীৰ কেইবাটাও মেট্ৰ ষ্টেচন অস্থায়ী ৰূপে বন্ধ কৰি দিয়া হৈছে ৷ প্ৰতিবাদকাৰী সকলৰ হুংকাৰ কোনো কাৰণতেই মানি লোৱা নহব দেশৰ বৃহৎ সংখ্যক দৰিদ্ৰ ছাত্ৰ-ছাত্ৰীয়ে অধ্যয়ণ কৰি থকা বিশ্ববিদ্যালয়খনত মাচুল বৃদ্ধিৰ দৰে সিদ্ধান্ত ৷ সোমবাৰৰ এই প্ৰতিবাদত জে এন ইউৰ ছাত্ৰ-ছাত্ৰীসকলক লক্ষ্নৌ বিশ্ববিদ্যালয়ৰ ছাত্ৰ-ছাত্ৰী সকলেও সহযোগ কৰে ৷ বৰ্তমান প্ৰশাসনে প্ৰতিবাদকাৰী ছাত্ৰসকলক ছফদৰজংত আবদ্ধ কৰি ৰাখিছে বুলি খবৰ পোৱা গৈছে ৷
আৰু পঢ়ক: JNU ছাত্ৰ-ছাত্ৰীৰ ওপৰত জপিয়াই পৰিল দিল্লী আৰক্ষী ! আধা বাটতে ৰুদ্ধ সদনলৈ বাহিৰ কৰা জোৰ সমদল
