সীমান্তত আঘাটপ্ৰাপ্ত সেনা বিষয়াৰ মৃত্যু

নিয়ন্ত্ৰণ ৰেখাত নিয়মীয়া তালাচী অভিযানৰ সময়ত আঘাটপ্ৰাপ্ত হৈছিল মেজৰ বিকাশ সিং

নিউজ ডেস্ক, 15 এপ্ৰিলঃ জম্মু কাশ্মীৰৰ নিয়ন্ত্ৰণৰেখাত নিয়মীয়া তালাচীৰ সময়ত আঘাটপ্ৰাপ্ত হোৱা এগৰাকী সেনা বিষয়াৰ সোমবাৰে মৃত্যু হয় ৷ সেনাৰ ৰাষ্ট্ৰীয় ৰাইফলছৰ সূত্ৰই প্ৰকাশ কৰিছে এই কথা ৷

ৰাষ্ট্ৰীয় ৰাইফলছৰ 57 বেটেলিয়নত কৰ্মৰত তথা সেনাৰ ৰাজপুতনা ৰাইফলছৰ মেজৰ বিকাশ সিং দেওবাৰে আঘাটপ্ৰাপ্ত হৈছিল ৷ নিয়মীয়া তালাচীৰ সময়তে দ' গাতত পৰি আঘাটপ্ৰাপ্ত হৈছিল সেনা বিষয়াগৰাকী ৷ পৰৱৰ্তী সময়ত উন্নত চিকিৎসাৰ বাবে বাদামীবাগস্থিত সেনাৰ 92 বেছ হাস্পতাললৈ স্থানান্তৰিত কৰা হৈছিল সেনা বিষয়াগৰাকীক ৷ মেজৰ বিকাশ সিঙৰ চিকিৎসাধীন অৱস্থাতে সেনা চিকিৎসালয়ত মৃত্যু হয় ৷ সেনাৰ সূত্ৰই প্ৰকাশ কৰিছে এই কথা ৷ উত্তৰ প্ৰদেশৰ গাজিপুৰৰ বাসিন্দা আছিল মেজৰ বিকাশ সিং ৷ মৃত্যুৰ সময়ত সেনা বিষয়াগৰাকীয়ে নিজ মাতৃৰ লগতে পত্নী আৰু এটি তিনিমহীয়া ছোৱালী সন্তানক এৰি থৈ গৈছে ৷