অযোধ্যাত মছজিদ নিৰ্মাণৰ বাবে মুকলি হ'ল ল'গঃ কি আছে বিশেষ ...

পাঁচ একৰ ভূমিত নিৰ্মাণ হ‘বলগীয়া এই মছজিদৰ সৈতে কমিউনিটি কিটচেন, হাস্পতাল, গৱেষণা কেন্দ্ৰৰ দৰে জনসুবিধাৰে জড়িত সেৱাৰো ব্যৱস্থা কৰা হ‘ব ৷

নিউজ ডেস্ক, 26 আগষ্ট: বিগত দশক সমূহত অযোধ্যা ৰাজনৈতিক বিষয়সমূহৰ কেন্দ্ৰ হৈ আছিল ৷ ৰাজনৈতিক দলসমূহে মন্দিৰ আৰু মছজিদৰ প্ৰসংগক ৰাজনৈতিক বিষয় বনাই উত্তপ্ত কৰি ৰাখিলে ৷ কিন্তু উচ্চতম ন্যায়ালয়ৰ আদেশৰ পাছত এই প্ৰসংগৰ সমাধান হ'ল ৷ মন্দিৰ নিৰ্মাণৰ লগতে মছজিদ নিৰ্মাণৰ বাবেও উচ্চতম ন্যায়ালয়ে পাঁচ একড় ভূমি IICF অৰ্থাৎ ইণ্ডো-ইছলামিক সাংস্কৃতিক ফাউণ্ডেচনক প্ৰদান কৰে ৷ যাক লৈ IICF ট্ৰাষ্টে নিজৰ আধিকাৰিক ল'গ মুকলি কৰিছে ৷ ট্ৰাষ্টে ইতিমধ্যে মছজিদ নিৰ্মাণৰ প্ৰস্তুতি আৰম্ভ কৰিছে ৷

অযোধ্যাৰ পৰা প্ৰায় 20 কিলোমিটাৰ নিলগত ধন্নীপুৰ গাঁৱত লাভ কৰা ভূমিত ট্ৰাষ্টৰ বিষয়াসকল উপস্থিত হৈ ঠাইডোখৰৰ বুজ লয় ৷ পাঁচ একৰ ভূমিত নিৰ্মাণ হ‘বলগীয়া এই মছজিদৰ সৈতে কমিউনিটি কিটচেন, হাস্পতাল, গৱেষণা কেন্দ্ৰৰ দৰে জনসুবিধাৰে জড়িত সেৱাৰো ব্যৱস্থা কৰা হ‘ব ৷

মছজিদ নিৰ্মাণৰ পূৰ্বে জাৰি কৰা ট্ৰাষ্টৰ ল'গ ইণ্ডো ইছলামিক সংস্কৃতিক সামৰি লোৱা হৈছে ৷ এই ল'গত হুমায়ুৰ মকবৰেত ব্যৱহৃত আৰ্কিটাক্চাৰৰ প্ৰতিকী ৰূপ দিয়া দেখা পোৱা গৈছে ৷ ইয়াক কৰ পৰা লোৱা হৈছে আৰু ইয়াৰ কি মহত্ব আছে এই প্ৰশ্ন সম্পৰ্কে আমি ফাউণ্ডেশ্বনৰ প্ৰবক্তা অতহৰ হুছেনৰ সৈতে কথা পাতোতে তেখেতে কি ক'লে জানিবলৈ চাওঁক ...

লগতে পঢ়ক: সুশান্তৰ মৃত্যুৰ ঘটনা: DRDOৰ অতিথিশালাত সিদ্ধাৰ্থ পিথানীক জেৰা CBIৰ