নেপাললৈ এক মিলিয়ন কৰ'ণা প্ৰতিষেধক প্ৰেৰণ ভাৰতৰ

২১ জানুৱাৰীত ভাৰতে নেপাললৈ এক মিলিয়ন কৰ'ণা প্ৰতিষেধক প্ৰেৰণ কৰিব । প্ৰতিষেধক মৈত্ৰী কাৰ্যসূচীৰ অধীনত এক মিলিয়ন কৰ'ণা প্ৰতিষেধক প্ৰেৰণ কৰিব ভাৰতে ।

নিউজ ডেস্ক, ২০ জানুৱাৰী: ২১ জানুৱাৰীত ভাৰতে নেপাললৈ প্ৰেৰণ কৰিব এক মিলিয়ন কৰ'ণা প্ৰতিষেধক । নেপালৰ স্বাস্থ্যমন্ত্ৰী হৃদয়েশ ত্ৰিপাঠীয়ে বুধবাৰে জনায় এই কথা । প্ৰতিষেধক মৈত্ৰী কাৰ্যসূচীৰ অধীনত এক মিলিয়ন কৰ'ণা প্ৰতিষেধক ভাৰতে নেপাললৈ প্ৰেৰণ কৰিব বুলি এক সংবাদমেল সম্বোধন কৰি কয় ত্ৰিপাঠীয়ে । এই প্ৰতিষেধকখিনি বৃহস্পতিবাৰে কাঠমাণ্ডুলৈ লৈ যোৱা হ'ব । পোনপ্ৰথমে কৰ'ণাযোদ্ধাসকলে এই প্ৰতিষেধক গ্ৰহণ কৰিব ।

এই সন্দৰ্ভত ত্ৰিপাঠীয়ে কয় যে ভাৰত নেপালৰ বন্ধুত্বপূৰ্ণৰ সহায়তাৰ প্ৰথম অনুদান হিচাপে এই প্ৰতিষেধকেই হ'ব ।