নেশ্যনেল ডেস্ক, 30 চেপ্তেম্বৰ: সোমবাৰলৈ ভাৰতত কৰ'ণাৰ সংক্ৰমণে অতিক্ৰম কৰিলে 62 লক্ষাধিক লোকলৈ ৷ বিগত 24 ঘণ্টাত ভাৰতত নতুনকৈ 80,472 গৰাকী লোকৰ দেহত পোৱা গৈছে কৰ'ণা মহামাৰীৰ অৱস্থিতি ৷ কেন্দ্ৰীয় স্বাস্থ্য মন্ত্ৰণালয়ে প্ৰদান কৰা প্ৰতিবেদন অনুসৰি প্ৰকাশ কৰা হৈছে এই তথ্য ৷
আনহাতে দেশত কৰ'ণাত আক্ৰান্ত হৈ মৃত্যু হোৱা লোকৰ সংখ্যাও বৃদ্ধি পালে 97,497 গৰাকীলৈ ৷ বিগত 24 ঘণ্টাত কৰ'ণাত আক্ৰান্ত হৈ মুঠ 1,179 লোকৰ মৃত্যু হৈছে ৷ বৰ্তমানেও দেশত 9,40,441 গৰাকী সক্ৰিয় কৰ'ণা আক্ৰান্ত ৰোগী আছে ৷
উল্লেখ্য যে,ভাৰতত মঙবাৰলৈ 62,25,763 লোকলৈ আক্ৰান্তৰ সংখ্যা বৃদ্ধি পালে ৷ অৱশ্যে এই মহামাৰীৰ কবলৰ পৰা আৰোগ্য লাভ কৰা লোকৰ সংখ্যাও 51,87,825 গৰাকীলৈ বৃদ্ধি পাইছে,যিটো মুঠ আক্ৰান্তৰ সংখ্যাৰ 83.33 শতাংশ ৷
ভাৰতীয় চিকিৎসা গৱেষণা পৰিষদে উল্লেখ কৰা তথ্য অনুসৰি,ভাৰতত মুঠ 7,41,96,729 টা নমুনাৰ পৰীক্ষণ সম্পন্ন হৈছে ৷ 29 চেপ্তেম্বৰৰ দিনটোত দেশজুৰি মুঠ 10,86,688 লাখ নমুনা পৰীক্ষা কৰা হৈছে ৷
লগতে পঢ়ক: দেশৰ দহখনকৈ ৰাজ্যত ভয়ানকভাৱে বৃদ্ধি কোভিড-19ৰ প্ৰকোপ
