নেশ্যনেল ডেস্ক,5 ডিচেম্বৰঃ প্ৰায় 1.6 বিলিয়ন পালিৰে ভাৰত হৈছে বিশ্বৰ ভিতৰত সৰ্বাধিক ক’ভিড 19 ভেকচিন ক্ৰয় কৰা দেশ ৷ বিশ্বজুৰি চলোৱা এক সমীক্ষা অনুসৰি, কিছুসংখ্যক বৈজ্ঞানিকে কয় ই 800 মিলিয়ন লোক অৰ্থাৎ ভাৰতৰ জনসংখ্যাৰ 60 শতাংশ লোকক অন্তৰ্ভূক্ত কৰিব ৷
এই 1.6 বিলিয়ন পালিৰ প্ৰথম 500 মিলিয়ন পালি ক’ভিড যোদ্ধা যেনে, স্বাস্থ্যকৰ্মী, চাফাইকৰ্মী, সুৰক্ষাকৰ্মী, আৰু জৰুৰীকালীন সেৱাৰে জড়িত 250 মিলিয়ন লোকক প্ৰদান কৰা হ’ব ৷ লগতে ইয়াত ৰোগী আৰু 65 বছৰৰ উৰ্দ্ধৰ বয়োজ্যেষ্ঠ লোকসকলো অন্তৰ্ভূক্ত কৰা হ’ব ৷
ভাৰতে Oxford University-AstraZeneca vaccineৰ পৰা 500 মিলিয়ন, মাৰ্কিন কোম্পানী Novavaxৰ পৰা 1 বিলিয়ন আৰু ৰাছিয়াৰ গেমালেয়া গৱেষণা প্ৰতিষ্ঠানৰ Sputnik V ৰ পৰা 100 মিলিয়ন ভেকচিন ক্ৰয় কৰিছে ৷
ভাৰতৰ পিছতে 1.58 বিলিয়ন ভেকচিন ক্ৰয়ৰে দ্বিতীয় সৰ্বাধিক ভেকচিন ক্ৰয় কৰা দেশ হ’ল ইউৰোপিয়ান সংঘ ৷ আনহাতে, সৰ্বাধিক ক’ভিড আক্ৰান্ত দেশ হোৱাৰ পিছতো আমেৰিকাই বৰ্তমানলৈকে কেৱল 1 বিলিয়ন পালিহে ক্ৰয় কৰিবলৈ সক্ষম হৈছে ৷ ডিউক বিশ্ববিদ্যালয়ে ক’ভিড 19ৰ ভেকচিন ক্ৰয়ৰ ক্ষেত্ৰত এটি নতুন বৈশ্বিক মূল্যায়ন ধাৰ্য কৰিছে ৷
ডিউকৰ গৱেষকসকলে আৰু কয়, ভাৰত, ব্ৰাজিলৰ দৰে ভেকচিন প্ৰস্তুতকাৰী দেশে ভেকচিন প্ৰস্তুতকাৰী চুক্তিৰ অংশ হিচাপে প্ৰথমে ভেকচিন লাভ কৰিব বুলি বিশ্বৰ আগশাৰীৰ বজাৰৰ সৈতে আলোচনা কৰিবলৈ সক্ষম হৈছে ৷ উল্লেখ্য যে,বিগত নৱেম্বৰত কেন্দ্ৰীয় স্বাস্থ্যমন্ত্ৰী হৰ্ষবৰ্ধনে 2021ৰ জুলাই পৰ্যন্ত 250ৰ পৰা 300 মিলিয়ন লোকৰ বাবে 400ৰ পৰা 500 পালি ক’ভিড 19ৰ ভেকচিন উপলব্ধ কৰা হ’ব বুলি মন্তব্য কৰিছিল ৷
লগতে পঢ়ক-শান্তিপূৰ্ণ প্ৰদৰ্শনৰ অধিকাৰ আছে ভাৰতীয় কৃষকৰঃ এন্টনিঅ’ গুটেৰাৰৰ মুখপাত্ৰ
