নিউজ ডেস্ক, 14 ছেপ্টেম্বৰ : বজাৰত উপলব্ধ হৈছে কংগনা ৰাণাৱাটৰ সমৰ্থনত বিশেষ শাড়ী ৷ চূৰাটৰ এগৰাকী কাপোৰ ব্যৱসায়ীয়ে নিজৰ উদ্যোগত কংগণা ৰাণাৱাটৰ সমৰ্থনত প্ৰস্তুত কৰিছে এই বিশেষ শাড়ী ৷ মহাৰাষ্ট্ৰ চৰকাৰৰ সৈতে হোৱা বিবাদৰ বাবে বৰ্তমান চৰ্চাত আছে অভিনেত্ৰীগৰাকী ৷
ব্যৱসায়ী ৰজতে কয় যে, অভিনেত্ৰী গৰাকীয়ে এটা বিষয়ত নিজৰ মত প্ৰকাশ কৰিব বিচাৰিছে ৷ কিন্তু তেওঁৰ সেই মত দমন কৰি ৰখা হৈছে আৰু তেওঁৰ কাৰ্যালয় ভাঙি দিয়া হৈছে ৷ দেওবাৰে ব্যৱসায়ীগৰাকীয়ে I SUPPORT KANGANA খোদিত শাড়ীসমূহ বজাৰলৈ আগবঢ়াই দিয়ে ৷ প্ৰতিখন শাড়ীৰ মূল্য 1000 টকাৰ পৰা আৰম্ভ হৈছে ৷
লগতে পঢ়ক : গুৱাহাটীত NEET ৰ পৰীক্ষা অনুষ্ঠিতকলৈ ব্যাপক খেলিমেলি
