হায়দৰাবাদ দলবদ্ধ ধৰ্ষণ কাণ্ডৰ চাৰি অভিযুক্তক 14 দিনৰ ন্যায়িক জিম্মালৈ প্ৰেৰণ

দেশ কঁপাই যোৱা এগৰাকী 27 বছৰীয়া যুৱতী পশু চিকিৎসকৰ ধৰ্ষণ কৰি হত্যা কৰা অভিযুক্ত কেইজনক তেলেংগানাৰ ছাদনগৰৰ এজন দণ্ডাধীশে ন্যায়িক জিম্মালৈ প্ৰেৰণ কৰে ৷

নিউজ ডেস্ক, 30 নৱেম্বৰঃ হায়দৰাবাদৰ পশু চিকিৎসক এগৰাকীক দলবদ্ধ ধৰ্ষণ কৰি হত্যা কৰা চাৰি অভিযুক্তক শুকুৰবাৰে 14 দিনলৈ ন্যায়িক জিম্মালৈ প্ৰেৰণ কৰা হয় ৷ তেলেংগানাৰ ছাদনগৰৰ এজন দণ্ডাধীশে চাৰি অভিযুক্তক ন্যায়িক জিম্মালৈ প্ৰেৰণ কৰে ৷

ন্যায়াধীশৰ অনুপস্থিতি আৰু আৰক্ষী চকীৰ বাহিৰত হৈ থকা উত্তেজনাময় পৰিস্থিতিৰ বাবে অভিযুক্ত কেইজনক মেহবুবনগৰৰ ফাষ্ট-ট্ৰেক আদালতত হাজিৰ কৰিব পৰা হোৱা নাছিল ৷ যাৰ বাবে মণ্ডল কাৰ্যবাহী দণ্ডাধীশজনে ছাদনগৰ আৰক্ষী চকীলৈ এই নিৰ্দেশ জাৰি কৰে ৷ আৰু ইয়াৰ পাচতে অভিযুক্ত মহম্মদ আৰিফ,চিন্তাকুন্তা চেন্নাকেছাভুলু,জল্লো শিৱা আৰু জল্লো নবিনক মেহবুবনগৰ জেললৈ প্ৰেৰণ কৰা হয় ৷ উল্লেখ্য যে বৃহস্পতিবাৰে শ্বামছাবাদৰ টলপ্লাজাৰ ওচৰত পশু চিকিৎসক এগৰাকীক ধৰ্ষণ কৰি নৃশংস ভাৱে হত্যা কৰি জ্বলাই দিছিল এই চাৰি অভিযুক্তই ৷ আৰু সমগ্ৰ ঘটনাৰ চিচি টিভিৰ দৃশ্য সংগ্ৰহ কৰিছিল আৰক্ষীয়ে ৷

লগতে পঢ়কঃহিমন্ত বিশ্বৰ সৎ সাহস নাই বাবে আলোচনাত KMSSক নামাতিলে: অখিল গগৈ