নিউজ ডেস্ক, 29 এপ্ৰিলঃ COVID-19 ৰ লক্ষণে দেখা দিয়াৰ পাচত যি সকল লোকে ঘৰতে নিজকে সুকীয়াকৈ ৰাখিছে তেওঁলোকৰ বাবে বিতংকৈ দিক নিৰ্দেশনা প্ৰকাশ কৰিছে কেন্দ্ৰীয় স্বাস্থ্য আৰু পৰিয়াল কল্য়াণ বিভাগে ।
এই সম্পৰ্কে প্ৰথমখন দিক নিৰ্দেশনা প্ৰকাশ কৰিছিল 7 এপ্ৰিলত ।
হ'ম আইছ'লেছনৰ বাবে যোগ্যতাঃ
- চিকিৎসকৰ দ্বাৰা লোকজনৰ লক্ষণ বা ৰোগ অত্যন্ত কম পৰিমাণৰ বুলি প্ৰকাশ কৰিব লাগিব ।
- লোকজনৰ ঘৰত নিজাকে সুকীয়াকৈ ৰাখিব পৰা আৰু পৰিয়ালৰ পৰা দূৰৈত থকাৰ ব্যৱস্থা থাকিব লাগিব ।
- 24x7 যত্ন ল'ব পৰাকৈ কোনো লোক থাকিব লাগিব আৰু প্ৰয়োজনত হাস্পতালৰ লগত সংযোগ কৰাব লাগিব ।
- যত্ন লোৱা লোক আৰু তেওঁৰ ঘনিষ্ঠ সম্পৰ্কৰ লোকে প্ৰয়োজনত Hydroxychloroquine গ্ৰহণ কৰিব পাৰিব ।
- আৰোগ্য সেতু এপ ব্যৱহাৰ কৰিব লাগিব ।
- জিলা স্বাস্থ্য বিষয়াক ৰোগীজনৰ স্বাস্থ্য সম্পৰ্কীয় তথ্য দিয়াৰ লগতে স্বাস্থ্য পৰীক্ষা কৰোৱাব লাগিব ।
কেতিয়া ডাক্তৰৰ কাষ চাপিব
- উশাহ লোৱাত কষ্ট পালে
- বুকুত বিষ অনুভৱ হলে
- মানসিকভাৱে দোমোজাত থাকিলে
- ওঠ আৰু মুখত নীলা ৰঙৰ দৰে প্ৰলেপ পৰিলে
- স্বাস্থ্য বিষয়াই পৰামৰ্শ দিলে
স্বাস্থ্য বিষয়া বা চিকিৎসকে ৰোগীজনক সুস্থ বুলি প্ৰমাণ পত্ৰ দিলে তেওঁ হ'ম আইছ'লেছনৰ পৰা মুক্ত হ'ব ।
যত্ন লোৱা লোক জনে কি কৰিবঃ
- যেতিয়া ৰোগীৰ কোঠাত যাব তিনি তৰপীয়া মাস্ক পৰিধান কৰিব
- মাস্কৰ সমুখৰ অংশ চুব নোৱাৰিব
- মাস্ক লেতেৰা হ'লে শীঘ্ৰেই সলনি কৰিব
- মাস্ক খুলি হাত ভালদৰে ধুব
- নিজৰ মুখ -নাক চুব নোৱাৰিব
- হাত পৰিষ্কাৰকৈ ৰাখিব
- খোৱাৰ পূৰ্বে ভালদৰে হাত ধুই ল'ব
- চাবোনেৰে হাত ধুব 40 চেকেণ্ড সময়
- এলকহল যুক্ত হাতমোজা পিন্ধিব পাৰে
- হাত ধুই পৰিষ্কাৰ কাপোৰেৰে হাতখন মুচিব
- ৰোগীৰ সৈতে পত্যক্ষ সংস্পৰ্শত নাহিব
- ৰোগীক চুব লাগিলে গ্লভছ পিন্ধিব
- গ্লভছ ভালদৰে খুলিব আৰু লগে লগে হাত ধুই লব
- ৰোগী জনক নিজৰ কোঠাত খাদ্য যোগান ধৰিব
- ৰোগীক কোঠা, কাপোৰ পৰিস্কাৰ কৰিলে তিনি তৰপীয়া মাস্ক আৰু গ্লভছ পিন্ধিব
- ৰোগীয়ে নিয়ম মতে দৰব খাইছে নে নাই চাব
- কোনো লক্ষণে দেখা দিলেই চিকিৎসকক অৱগত কৰিব
ৰোগীৰ প্ৰতি নিৰ্দেশনা
- অহৰহ তিনি তৰপীয়া মাস্ক লগাব লাগিব
- 8 ঘন্টাৰ মূৰে মূৰে সেইখন সলাব
- 1 শতাংশ ছ'ডিয়াম ক্লৰক্সাইডেৰে পৰিস্কাৰ কৰিহে মাস্ক খুলিব
- ৰোগী জন পৰিয়ালৰ পৰা আঁতৰি নিৰ্দিষ্ট কোঠাত থাকিব
- যথেষ্ট জিৰণি ল'ব আৰু পানী খাব
- সকলো সময়তে নিয়মবোৰ মানি চলিব
- নিয়মিতভাবে স্বাস্থ্য বিষয়াক খবৰ দি থাকিব
