নিউজ ডেস্ক, 26 জুনঃ কেন্দ্ৰীয় পেন্সন পূঁজি নিয়ন্ত্ৰণ আৰু উন্নয়ন আয়োগে দাখিল কৰা এক প্ৰস্তাৱৰ ভিত্তিত অটল অমৃত যোজনাত পেন্সনৰ বাবে বয়সৰ উৰ্ধসীমা বৃদ্ধিত গুৰুত্ব প্ৰদান কৰিছে কেন্দ্ৰীয় চৰকাৰে ৷ সংসদত এক লিখিত প্ৰশ্নৰ উত্তৰত এই বিষয়ে উল্লেখ কৰিছে কেন্দ্ৰীয় বিত্তমন্ত্ৰী নিৰ্মলা সীতাৰমনে ৷
অটল অমৃত যোজনাত 60 বছৰ বয়সত মাহিলী 1000ৰ পৰা 5000লৈ পেন্সন দিয়াৰ ব্যৱস্থা আছে আৰু ই নিৰ্ভৰ কৰে পেন্সনৰ সময়সীমা আৰু মুঠ ধনৰাশিৰ ওপৰত ৷ এই আঁচনি অনুসৰি 18 বছৰৰ পৰা 40 বছৰ বয়সৰ ভিতৰত একাউন্ট খুলিব পাৰে যাৰ নূন্যতম জমাৰাশি প্ৰতিমাহে 42 টকাৰ পৰা আৰম্ভ হয় ৷ ইয়াৰ উপৰিও উপভোক্তাৰ মৃত্যু হ'লে তেঁওৰ সংগীয়ে মাহিলী পেন্সন লাভ কৰাৰ লগতে 8.5 লাখ টকাৰ এককালীন সাহাৰ্য্য লাভ কৰিব ৷
