নেশ্যনেল ডেস্ক, ১৪ জানুৱাৰী:কেৰালাৰ কন্নুৰ বিমানবন্দৰত এগৰাকী যাত্ৰীৰ পৰা জব্দ কৰা হৈছে ৯৭৪ গ্ৰাম সোণ । এয়াৰ ইণ্টেলিজেন্স ইউনিটে যাত্ৰীগৰাকীৰ পৰা ৪৯ লাখ টকা মূল্যৰ সোণ জব্দ কৰে । শুক্ৰবাৰে বিভাগটোৱে এই কথা প্ৰকাশ কৰে । কোচিৰ শুল্ক(প্ৰতিৰোধী) আয়ুক্তালয়ে প্ৰকাশ কৰা তথ্য অনুসৰি যাত্ৰীগৰাকী আৰবৰ শাৰজাহৰ পৰা আহিছিল । সোণৰ ৪টা কেপচুল যাত্ৰীজনে মলদ্বাৰত লুকুৱাই আনিছিল ।
জব্দকৃত সোণখিনিৰ মূল্য ৪৯,০৮,৯৬০ লাখ টকা । বৰ্তমান এই ঘটনা সন্দৰ্ভত তদন্ত অব্যাহত আছে । উল্লেখ্য যে, লকডাউনৰ পিছত আন আন দেশৰ সৈতে বিমান পৰিবহণ স্বাভাৱিক হোৱাৰ পিছতে পুনৰ সোণৰ অবৈধ সৰবৰাহৰ ঘটনা পোহৰলৈ আহিছে ।
লগতে পঢ়ক:কৃষি আইন বিৰোধিতাৰে আজি দেশজুৰি কংগ্ৰেছৰ ৰাজ ভৱন ঘেৰাও
