নেশ্বনেল ডেস্ক, 29 নৱেম্বৰ : লোকসভাৰ মজিয়াত নাথুৰাম গডছে সম্পৰ্কত কৰা মন্তব্যৰ বাবে ক্ষমা ভিক্ষা মাগিলে বিজেপি সাংসদ প্ৰজ্ঞা ঠাকুৰে ৷ গডছেৰ নাম উল্লেখ নকৰাকৈয়ে প্ৰজ্ঞা ঠাকুৰে কয়, "মোৰ মন্তব্যৰ ফলত কোনো লোকে দুখ পাইছে যদি মই দুখ প্ৰকাশ কৰাৰ লগতে ইয়াৰ বাবে ক্ষমা ভিক্ষা কৰিছো ৷"
উল্লেখ্য যে, প্ৰজ্ঞা ঠাকুৰে লোকসভাৰ মজিয়াত মন্তব্য কৰিছিল যে, মহাত্মা গান্ধীৰ হত্যাকাৰী নাথুৰাম গডছে এজন দেশভক্ত ৷
শুকুৰবাৰে সদনত ক্ষমা ভিক্ষা কৰিলেও প্ৰজ্ঞাই কয় যে, তেওঁৰ মন্তব্যক বিকৃত কৰাৰ চেষ্টা কৰা হৈছে ৷ লগতে তেওঁ কয় যে, দেশৰ প্ৰতি মহাত্মা গান্ধীৰ অৱদানক তেওঁ সন্মান কৰে ৷
কংগ্ৰেছ নেতা ৰাহুল গান্ধীয়ে প্ৰজ্ঞাক 'সন্ত্ৰাসবাদী' বুলি কোৱা মন্তব্যৰ বিষয়েও তেওঁ কয়, "সদনৰ এজন সদস্যই মোক সন্ত্ৰাসবাদী বুলি অভিহিত কৰিছে ৷ এয়া মোৰ সন্মানত আঘাত ৷ আদালতে মোৰ বিৰুদ্ধে কোনো ব্যৱস্থা গ্ৰহণ কৰা নাই ৷"
আৰু পঢ়ক : ৰাজাপাকসাক আদৰণি জনালে প্ৰধানমন্ত্ৰী মোডী আৰু ৰাষ্ট্ৰপতি কোবিন্দে
