নিউজ ডেস্ক, 31 জানুৱাৰী : তিনিদিনীয়া বৰ্ণাঢ্য কাৰ্যসূচীৰে কৰ্ণাটকত উদযাপন কৰা হ'ল শ্ৰী গাভিচিদ্দেশ্বৰ যাত্ৰা ৷ সকলো ক'ভিড প্ৰট'কল মানি মহামাৰীৰ পাচত ৰাজ্যখনত অনুষ্ঠিত হ'ল এই বিশাল যাত্ৰা ৷ গাভি মুটত অনুষ্ঠিত এই যাত্ৰাত প্ৰতিবছৰে 10 হাজাৰ লোকে অংশ গ্ৰহণ কৰি আহিছে যদিও এইবেলি মহামাৰীৰ বাবে ভক্তৰ উপস্থিতি কিছু সেৰেঙা হোৱা দেখা গৈছে ৷ প্ৰতিবছৰে উদযাপন কৰা এই যাত্ৰাত ৰাজ্যখনৰ বিভিন্ন প্ৰান্তৰ লগতে চুুবুৰীয়া ৰাজ্যসমূহৰ পৰাও ভক্ত আহিছিল ৷
উল্লেখ্য যে, ঐতিহাসিক 1000 বছৰীয়া এই যাত্ৰা পীতাধিপতি শ্ৰী গাভিচিদ্দেশ্বৰ স্বামীৰ শাসনকালৰ পৰাই অনুষ্ঠিত কৰি অহা হৈছে ৷ ভক্তি, সাহিত্য, সংস্কৃতি আৰু পৰম্পৰাৰ লোক বিশ্বাসৰ প্ৰতি লক্ষ্য ৰাখি প্ৰথমে এই যাত্ৰাৰ আয়োজন কৰা হৈছিল যদিও কালক্ৰমত ই এক উৎসৱলৈ পৰিণত হয় ৷ সাংস্কৃতিক আৰু আধ্যাত্মিকতাৰ সমাহাৰ ঘটা এই যাত্ৰাত মন্ত্ৰী বি.চি পাটিল, বিধায়কৰ অমাৰে গৌড়া পাটিল বায়াপুৰা, কে ৰাঘবেন্দ্ৰ হিতনালৰ লগতে আন বহু জ্যেষ্ঠ লোক উপস্থিত থাকে ৷
লগতে পঢ়ক: গান্ধী স্মৃতিৰ প্ৰাৰ্থনা সভাত জাতিৰ পিতাক শ্ৰদ্ধাঞ্জলি
