স্থলসেনাত সংযোজিত হ'বলৈ সাজু নাগ ক্ষেপনাস্ত্ৰ

ভাৰতীয় স্থলসেনাৰ বাবে সম্পূৰ্ণৰূপে সাজু হৈছে নাগ ক্ষেপনাস্ত্ৰ ৷ নামিকাৰ পৰা প্ৰক্ষেপণ কৰা ক্ষেপনাস্ত্ৰটোৰ চূড়ান্ত পৰীক্ষণ সফলতাৰে সম্পন্ন হোৱাৰ পিচত ইয়াক স্থলসেনাত সংযোজনৰ সকলো পথ মুকলি হৈ পৰে ৷ আনহাতে নাগৰ সংযোজনৰ পিচত ভাৰতীয় স্থলসেনাৰ বাবে ইজৰাইল আৰু আমেৰিকাৰ পৰা ক্ৰয় কৰিবলগীয়া 4ৰ পৰা 7 কিলোমিটাৰ দুৰত্বভেদী এন্টি টেংক গাইডেড মিছাইলৰ প্ৰয়োজনো ঘৰুৱাভাৱে পুৰাবলৈ সফল হ'ব প্ৰতিৰক্ষা বিভাগ ৷

নিউজ ডেস্ক, 22 অক্টোবৰ : প্ৰতিৰক্ষা খণ্ডত স্বদেশী প্ৰযুক্তিৰ যথেষ্ট মহত্ব আছে আৰু ভাৰতীয় প্ৰতিৰক্ষা গৱেষণা আৰু উন্নয়ন সংস্থাই বিগত কিছুদিনত ভাৰতীয় প্ৰতিৰক্ষা খণ্ডত যথেষ্ট সফলতা লাভ কৰিছে ৷ শেহতীয়াকৈ সংস্থাই ভাৰতীয় স্থলসেনাৰ বাবে নিৰ্মিত নাগ এন্টি টেংক গাইডেড মিছাইলৰ চূড়ান্ত পৰীক্ষণ সফলতাৰে সম্পন্ন কৰিবলৈ সক্ষম হৈছে ৷

লগতে পঢ়ক : বিজয়া দশমীত চিকিমত উপস্থিত থাকিব প্ৰতিৰক্ষা মন্ত্ৰী

পোখৰানস্থিত সংস্থাৰ পৰীক্ষণস্থলীৰ পৰা বৃহস্পতিবাৰে ৰাতিপুৱাৰ ভাগত ৱাৰহেডৰ সৈতে এইটো ক্ষেপনাস্ত্ৰৰ পৰীক্ষণ সফলতাৰে সমাপ্ত কৰে সংস্থাই ৷ নামিকা প্ৰণালীৰ পৰা প্ৰক্ষেপণ কৰা ক্ষেপনাস্ত্ৰটোৱে নিৰ্দিষ্ট দুৰত্বত সংস্থাপন কৰা লক্ষ্যত নিৰ্ভূল আঘাত হানিবলৈ সক্ষম হয় ৷ ভাৰতীয় স্থলসেনাই ইজৰাইল আৰু আমেৰিকাৰ পৰা ক্ৰয় কৰিবলগা এন্টি টেংক গাইডেড মিছাইলৰ অভাৱ এতিয়া নাগ ক্ষেপনাস্ত্ৰই ঘৰুৱাভাৱেই পূৰণ কৰিবলৈ সক্ষম হ'ব ৷ আনহাতে নাগ ক্ষেপনাস্ত্ৰৰ লক্ষ্য দুৰত্ব 4ৰ পৰা 7 কিলোমিটাৰলৈ নিৰ্দিষ্ট কৰা হৈছে বুলি সংস্থাই প্ৰকাশ কৰিছে ৷

• Final user trial of 3rd generation Anti Tank Guided Missile (ATGM) NAG was carried out today on 22 Oct 2020 at 0645 hrs from Pokhran range. The missile was integrated with the actual warhead and a tank target was kept at designated range. pic.twitter.com/GZ4oJWyNWs

  — DRDO (@DRDO_India) October 22, 2020 " class="align-text-top noRightClick twitterSection" data="

  Final user trial of 3rd generation Anti Tank Guided Missile (ATGM) NAG was carried out today on 22 Oct 2020 at 0645 hrs from Pokhran range. The missile was integrated with the actual warhead and a tank target was kept at designated range. pic.twitter.com/GZ4oJWyNWs

  — DRDO (@DRDO_India) October 22, 2020

  ">

  Final user trial of 3rd generation Anti Tank Guided Missile (ATGM) NAG was carried out today on 22 Oct 2020 at 0645 hrs from Pokhran range. The missile was integrated with the actual warhead and a tank target was kept at designated range. pic.twitter.com/GZ4oJWyNWs

  — DRDO (@DRDO_India) October 22, 2020

লগতে পঢ়ক : ভাৰত-চীন সীমান্তত যিকোনো পৰিস্থিতিৰে মোকাবিলা কৰিবলৈ সাজু আইটিবিপি

স্থলসেনাত সংযোজন কৰিবলৈ সাজু হোৱা নাগ ক্ষেপনাস্ত্ৰৰ পূৰ্বে ভাৰতীয় স্থলসেনাই 2.5 কিলোমিটাৰ দুৰত্বভেদী এন্টি টেংক গাইডেড মিছাইল ব্যৱহাৰ কৰি আহিছিল ৷ ৰাছিয়াত নিৰ্মিত বিএমপি বাহনৰ দ্বাৰা ইয়াক স্থলসেনাৰ মেকানাইজড ৰেজিমেন্টে বৰ্ষণ কৰে ৷ স্থলসেনাই শেহতীয়াকৈ দ্বিতীয় প্ৰজন্মৰ মিলান 2T আৰু কনকুৰ এটিজিএম ব্যৱহাৰ কৰি আহিছিল ৷ 2018ত প্ৰতিৰক্ষা মন্ত্ৰালয়ে স্থলসেনাৰ বাবে 300 নাগ আৰু 25 নামিকা প্ৰণালীৰ সংযোজনত অনুমতি প্ৰদান কৰিছিল ৷

লগতে পঢ়ক : প্ৰতিৰক্ষা ব্যৱস্থাপনা মহাবিদ্যালয় আৰু বাইছন ডিভিজন পৰিদৰ্শন সেনাপ্ৰধানৰ