নেশ্যনেল ডেস্ক, ৫ ডিচেম্বৰ: 'বুৰেৱী' ঘূৰ্ণীবতাহৰ প্ৰভাৱ শনিবাৰে ৰামানাথপুৰম জিলাৰ সমুদ্ৰ তীৰৰ সমীপৰ মন্নাৰত পৰিলক্ষিত হয় । ভাৰতীয় বতৰ বিজ্ঞান বিভাগৰ মতে, যোৱা ৩০ ঘণ্টাৰ বাবে 'বুৰেৱী' কাৰ্যতঃ স্থিৰ হৈ থাকে । অৱশ্যে তামিলনাডু আৰু কেৰালাত এতিয়াও হাই এলাৰ্ট জাৰি কৰা হৈছে । এই স্থানত 'বুৰেৱী' ঘূৰ্ণীবতাহে একপ্ৰকাৰ স্থিৰ ৰূপ লোৱা আৰু আগন্তুক ১২ ঘণ্টাত ঘূৰ্ণীবতাহৰ গতিবেগ হ্ৰাস পোৱাৰ সম্ভাৱনা আছে । তামিলনাডুৰ ৰামেশ্বৰমত আৰু পণ্ডিচেৰীৰ বিভিন্ন স্থানত ধৰাসাৰ বৰষুণ হৈছে ।
ৰামানাথপুৰম জিলাৰ সমুদ্ৰ তীৰৰ সমীপৰ মন্নাৰত যোৱা ৩০ ঘণ্টা ধৰি 'বুৰেৱী' কাৰ্যতঃ স্থবিৰ হৈ থাকে । শুক্ৰবাৰে ভাৰতীয় বতৰ বিজ্ঞান বিভাগে মাছমৰীয়াসকলকো মন্নাৰ আৰু বংগোপসাগৰ, দক্ষিণ তামিলনাডুৰ সমুদ্ৰ তীৰ, উত্তৰ শ্ৰীলংকা, দক্ষিণ কেৰালাৰ সমুদ্ৰ তীৰ, লক্ষ্যদ্বীপ-মালদ্বীপ আৰু দক্ষিণ-পূৱ আৰৱ সাগৰত মাছ মাৰি নাযাবলৈ পৰামৰ্শ দিয়ে । দক্ষিণ কেৰালাত বতাহৰ গতিবেগ প্ৰতি ঘণ্টাত ৪৫ কিঃমিঃ হোৱাৰ সম্ভাৱনা আছে ।
ইদ্দুকী আৰু মালাপ্পুৰম জিলাত অৰেঞ্জ এলাৰ্ট আৰু তিৰুৱানন্থপুৰম, ক'ল্লাম আৰু আলপ্পুঝাত ইয়েল্ল' এলাৰ্ট জাৰি কৰা হৈছে । ঘূৰ্ণীবতাহৰ বাবে ৰামেশ্বৰমৰ ৰাইজে বিদ্যুৎ সেৱা লাভৰ পৰা বঞ্চিত হ'বলগীয়া হৈছে । এনডিআৰএফৰ দলে তামিলনাডু আৰু কেৰালাৰ কেইবাঠাইতো ভয়াৱহ বিপদৰে মোকাবিলা কৰিবলৈ সষ্টম হৈ আছে ।
লগতে পঢ়ক:অৰ্ণৱ গোস্বামীৰ বিৰুদ্ধে চাৰ্জ শ্বীট দাখিল ৰায়গড় আৰক্ষীৰ
