নিউজ ডেস্ক, ২২ এপ্ৰিলঃ মহামাৰী COVID-19ৰ সংকটৰ বাবেই IRDAI অৰ্থাৎ Insurance Regulatory and Development Authority of India য়ে স্বাস্থ্য বীমাৰ প্ৰিমিয়াম কিস্তিৰ জৰিয়তে দিবলৈ অনুমতি প্ৰদান কৰে । দেশজুৰি চলা লক ডাউনৰ বাবেই আৰ্থিক সংকটত ভোগা জনসাধৰণৰ বাবেই এই ব্যৱস্থা গ্ৰহণ কৰিছে বুলি জানিবলৈ দিয়ে প্ৰতিষ্ঠানটোৱে ।
আনহাতে বিগত বৰ্ষতে IRDAIয়ে বীমা প্ৰতিষ্ঠান সমূহক প্ৰমাণৰ ওপৰত ভিত্তি কৰি ব্যক্তিগত স্বাস্থ্য বীমাৰ গ্ৰাহকসকলক কিস্তিৰ জৰিয়তে বীমা প্ৰদান কৰিবলৈ অনুমতি দিয়া হয় ।
IRDAIয়ে এক বিবৃতিযোগে সদৰী কৰে যে,মহামাৰী COVID-19ৰ প্ৰতি লক্ষ্য ৰাখিয়ে স্বাস্থ্য বীমাৰ প্ৰিমিয়াম দিয়াৰ সহজ পদ্ধতি কৰিবলৈ প্ৰয়াস কৰা হয় । যাৰ বাবে স্বাস্থ্য বীমাৰ প্ৰিমিয়াম দিয়াৰ উপযুক্ত ব্যৱস্থা হিচাপে প্ৰিমিয়াম সমূহ কিস্তি কৰি দিবলৈ গ্ৰাহকক অনুমতি প্ৰদান কৰা হয় ।
আনহাতে,স্বাস্থ্য বীমাৰ প্ৰিমীয়ামৰ এই কিস্তিৰ সুবিধা ২০২১ চনৰ ৩১ মাৰ্চত কৰা সংশোধনৰ সমছোৱাত স্বায়ীভাৱে ৰখাৰ চিন্তা-চৰ্চাও চলাব বুলি উল্লেখ কৰে ।
লগতে চাওকঃ ছীল কৰা হ'ল দিল্লীৰ নাগৰিক উন্নয়ন মন্ত্ৰণালয়ৰ কাৰ্যালয়
