নিউজ ডেস্ক, ২৪ এপ্ৰিলঃ বিশ্বজুৰি ত্ৰাস সষ্টি কৰা মহামাৰী COVID-19 আৰু তাৰ পৰিপ্ৰেক্ষিত বিগত এমাহ জুৰি চলা লক ডাউনৰ মাজতে শুকুৰবাৰে ৰাজ্যৰ স্বাস্থ্য মন্ত্ৰীসকলৰ সৈতে ভিডিঅ' কনফাৰেঞ্চযোগে বৈঠক অনুষ্ঠিত কৰে কেন্দ্ৰীয় স্বাস্থ্য় মন্ত্ৰী হৰ্ষবৰ্ধনে ।
কেন্দ্ৰীয় স্বাস্থ্য মন্ত্ৰী গৰাকীৰ সৈতে বৈঠকত উপস্থিত থাকে স্বাস্থ্য আৰু পৰিয়াল কল্যাণৰ সদস্য অশ্বিনী চোৱে । খবৰ অনুসৰি,পৰিস্থিতিৰ ওপৰত নজৰ ৰাখি,মন্ত্ৰী হৰ্ষবৰ্ধনে ৰাজ্য চৰকাৰক জৰুৰীকালীন অৱস্থাৰ বাবে পিপিআই, ৯৫ মাস্ক, ভেণ্টিলেটৰ আৰু অন্য়ান্য চিকিৎসা সামগ্ৰীৰ মজুত ৰাখিবলৈ পৰামৰ্শ আগবঢ়ায় । আনহাতে,চিকিৎসা সামগ্ৰীৰ ক্ষেত্ৰত কোনো ধৰণৰ সমস্যা যাতে নহয় তাৰ বাবে নজৰ ৰাখিবলৈ নিৰ্দেশ দিয়ে হৰ্ষবৰ্ধনে ।
তাৰোপৰি,কেন্দ্ৰীয় মন্ত্ৰী গৰাকীয়ে সকলো ৰাজ্যৰ স্বাস্থ্যমন্ত্ৰী সকলক লক ডাউন আৰু সমাজিক দুৰত্বৰ ব্যৱস্থা পাৰ্যমানে সফল কৰা বুলি শুভেচ্ছাও জ্ঞাপন কৰে ।
উল্লেখ্য যে,বৰ্তমান দেশজুৰি COVID-19 ত আক্ৰান্ত ৰোগীৰ সংখ্যা মুঠ, ২৩,০৭৭ জন আৰু COVID-19 ত আক্ৰন্ত হৈ মৃত্যু হোৱা ৰোগীৰ সংখ্যা ৭১৮ জন ।
