নিউজ ডেস্ক, ১৩জুন: ক'ভিড-১৯ৰ সংকটপূৰ্ণ অৱস্থাত শিশুসকলৰ বাবে এতিয়া আন এক ভয়াবহ সংকতে মুৰ তুলি উঠিব । যিহেতু সেইসকল শিশু ঘৰমূৱা হৈছে যি ভাতমুঠিৰ বাবে অন্য স্থানত শিশু শ্ৰমিক হিচাবে কাম কৰি আহিছিল আৰু এতিয়া এওঁলোক খাদ্য আৰু মজুৰিৰ পৰা বঞ্চিত হৈ ঘৰমূৱা হৈছে । এতিয়া এই সকল শিশু শ্ৰমিকৰ ঘৰমূৱা হোৱাৰ বাহিৰে কোনো বিকল্প নায় ।
শেহতীয়া জৰিপ অনুযায়ী আমাৰ দেশত ১কোটিৰো অধিক শিশু শ্ৰমিক আছে আৰু অধিক সংখ্যকেই কৰ্মস্থলিতে থাকি কাম কৰে ।
মহামাৰী ক'ৰণা, স্বাস্থ্যজনিত কাৰণ তথা আৰ্থিক অনাটনৰ বাবে দেশৰ বিভিন্ন চহৰসমূহৰ পৰা সকলো ঘৰমূৱা হৈছে। একে ধৰনেই শিশু শ্ৰমিক সকলো স্বগৃহমুখী হৈছে। ইটিভি ভাৰতক এইছ.এ.কিউ.- শিশু অধিকাৰ কেন্দ্ৰৰ এগৰাকী উপদেষ্টা এনাক্ষী গাংগুলিয়ে দিয়া বাখ্যা মতে, কাম অবিহনে পৰিয়ালৰ উপাৰ্জন বন্ধ হৈ পৰাৰ ফলত ইয়াৰ চাপ শিশু অাৰু মহিলা সকলৰ ওপৰত বেছিকৈ পৰে ।
দেখিবলৈ পোৱা যায়, নগৰ চহৰ সমূহত দৈনিক কাম কৰা শ্ৰমিকসকলে তেওঁলোকৰ শিশু সকলক বিদ্যালয়লৈ পঠায় আৰু বিভিন্ন পৰিস্থিতিত তেওঁলোকক বিদ্যালয়ৰ শিক্ষাগ্ৰহণৰ পৰা আঁতৰাই শিক্ষাৰ পৰা বঞ্চিত কৰা হয় । যদিহে শিশুটি শিক্ষাগ্ৰহণৰ পৰা দীঘলীয়া সময়ৰ বাবে আঁতৰি থাকিব লগা হয়, তেতিয়াই শিশুটিৰ পঢ়াৰ প্ৰতি থকা ধাউতি হেৰাই পৰে। ফলত পুনৰ বিদ্যালয়লৈ ওভতি যোৱাৰ সুযোগ কম হৈ পৰে । আৰু শেষত শিশুটিক কাম কৰিবৰ বাবে বাধ্য কৰোৱা হয় ।
