নিউজ ডেস্ক, ৭ এপ্ৰিলঃ দেশৰ লগতে দেশৰ বিভিন্ন ৰাজ্যত ভয়াৱহ ৰূপ ধাৰণ কৰিছে মহামাৰী কৰ'ণা ভাইৰাছে । গুজৰাটত আক্ৰান্তৰ সংখ্যা বৃদ্ধিছে ১৪৬ জনলৈ । আনহাতে মৃত্যুৰ সংখ্যা হৈছে ১২ গৰাকী । ইপিনে ২২ গৰাকী লোক সুস্থ হৈ উভতি যাবলৈ সক্ষম হৈছে । অৱশ্যে ৰাজ্যখনত এতিয়াও ভয়ংকৰ ৰূপে থিয় দিছে এই মাৰাত্মক ভাইৰাছ বিধে । লক্ ডাউনৰ মাজতেই সোমবাৰে নতুনকৈ ৰাজ্যখনত ধৰা পৰিছে মুঠ ১৮ টাকৈ আক্ৰান্তৰ ঘটনা ।
ইয়াৰে ১০ টা প্ৰত্যক্ষ আৰু পৰোক্ষ ভাৱে তবলিগী জামাতৰ সৈতে সম্পৰ্ক আছে । নতুন দিল্লীত বিগত মাহত নিজামুদ্দিন মাৰ্কাজত অনুষ্ঠিত হৈছিল তবলিগী জামাত অনুষ্ঠান । সেই অনুষ্ঠানতেই বহু লোক COVID-19 ৰোগীৰ সংস্পৰ্শলৈ আহিছিল । যাৰ বাবে অসমতো বৃদ্ধি পাইছে আক্ৰান্তৰ সংখ্যা ।
গুজৰাটত বৰ্তমানে ১৪,০৫৪ গৰাকী লোকক কোৱাৰেণ্টাইত ৰখা হৈছে । ইয়াৰে ১২,৮৮৫ গৰাকী হোম আইচলেচনত আছে । মুঠ ৯০০ চৰকাৰী আৰু ২৬৯ টা বেচৰকাৰী চেণ্টাৰত কোৱাৰেণ্টাইন হৈ আছে লোকসকল ।
লগতে চাওক- COVID-19: ২০ হাজাৰ কোটি টকীয়া চেণ্ট্ৰল ভিষ্টা প্ৰজেক্ট বাতিলৰ আহ্বান কংগ্ৰেছ সাংসদৰ
