লক্ ডাউনঃ পদব্ৰজে অসমলৈ শ্ৰমিকৰ যাত্ৰা

লক্ ডাউনৰ বাবে খোজকাঢ়ি অসমলৈ যাত্ৰা আৰম্ভ কৰিছে অসমৰ 23 জনীয়া এটা শ্ৰমিকৰ দলে ৷ উত্তৰ প্ৰদেশৰ এটা প্ৰতিষ্ঠানত কৰ্মৰত শ্ৰমিক কেইজনে ইতিমধ্যে খোজকাঢ়ি 130 কিলোমিটাৰ অতিক্ৰম কৰিছে ৷

কলিয়াবৰ, 14 মে' : লক্ ডাউনৰ বাবে উত্তৰ প্ৰদেশৰ পৰা খোজকাঢ়ি অসমলৈ আহিব সাজু 23 গৰাকী শ্ৰমিক ৷ উত্তৰ প্ৰদেশৰ 'কাচগঞ্জ' জিলাৰ তাৰা এণ্টাৰপ্ৰাইজত কৰ্মৰত অসমৰ বিভিন্ন প্ৰান্তৰ এই সকল শ্ৰমিকে লক্ ডাউনৰ বাবে সন্মুখীন হৈছিল তীব্ৰ খাদ্য সংকটতত ৷ প্ৰতিষ্ঠানটোৰ সমীপৰে এটা হোষ্টেলত বাস কৰা শ্ৰমিক কেইজনক লক্ ডাউনৰ সময়ত প্ৰতিষ্ঠানটোৰ তৰফৰ পৰা কোনো ধৰণৰ খাদ্য সামগ্ৰী যোগান নধৰাৰ অভিযোগ শ্ৰমিক কেইজনৰ ৷

আনকি প্ৰতিদিনে বৰ্ধিত হাৰত অঞ্চলটোত কৰ'ণা আক্ৰান্ত ৰোগীৰ সংখ্যা বৃদ্ধি পোৱাৰ বাবে হোষ্টেলৰ স্বত্বাধিকাৰীয়ে হোষ্টেল ত্যাগ কৰিবলৈ নিৰ্দেশ দিয়াৰ পিছত উপায়বিহীন হৈ পৰে শ্ৰমিক কেইজন ৷