নিউজ ডেস্ক, ২ এপ্ৰিলঃ নিৰ্বাচনত জয়লাভ কৰি দিল্লীৰ ক্ষমতা দখল কৰিবলৈ সক্ষম হ'লেই সংশোধন কৰা হ'ব সামৰিক বাহিনী বিশেষ ক্ষমতা আইন । মঙলবাৰে নতুন দিল্লীত নিৰ্বাচনী ইস্তাহাৰ প্ৰকাশ কৰি এই কথা ঘোষণা কৰিছে কংগ্ৰেছ দলে ।
বিদ্ৰোহ আৰু সন্ত্ৰাসবাদ দমনৰ বাবে সশস্ত্ৰ বাহিনীক বিশেষ ক্ষমতা প্ৰদান কৰা সামৰিক বাহিনীৰবিশেষ ক্ষমতা আইন ১৯৫৮ এখন বিতৰ্কিত তথা ক'লা আইন । সন্ত্ৰাসবাদ দমনৰ নামত সামৰিক বাহিনীয়ে বহুসময়ত এই আইনৰ অপ-প্ৰয়োগ বিশেষকৈ বিদ্ৰোহীৰে ভৰপূৰ উত্তৰ-পূৰ্বাঞ্চলত বহুবাৰ ইয়াৰ অপ-প্ৰয়োগ কৰা হৈছে । কংগ্ৰেছে দলটোৰ নিৰ্বাচনী ইস্তাহাৰত এই বিতৰ্কিত আইনখনৰ সংশোধন কৰা হ'ব বুলি প্ৰতিশ্ৰুতি প্ৰদান কৰিছে । জম্মু কাশ্মীৰ, নাগালেণ্ড আৰু মনিপুৰ তথা অসম-অৰুণাচলৰ "উত্তেজনাপূৰ্ণ" অঞ্চলত লাঘৱ হৈ থকা এই আইনখনে মানৱ অধিকাৰৰ লগতে যৌন হিংসা আৰু অন্যান্যধৰণে সাধাৰণ জনতাক হাৰাশাস্তি কৰি আহিছে ।
