নতুন দিল্লী, 9 নৱেম্বৰ: বহু প্ৰত্যাশিত অযোধ্যা ভূমি সম্পৰ্কে উচ্চতম ন্যায়ালয়ে ৰায়দান কৰাৰ পূৰ্বে শনিবাৰে কংগ্ৰেছৰ কাৰ্যবাহী সমিতিৰ বৈঠকখন সম্পন্ন হয় ৷ এই বৈঠকখন পূৰ্বে 10 নৱেম্বৰত অনুষ্ঠিত হোৱাৰ কথা উল্লেখ আছিল ৷ স্মৰ্তব্য যে,17 নৱেম্বৰৰ পূৰ্বে অযোধ্যাৰ ভূমি বিবাদৰ ৰায়দান কৰাৰ কথা আছিল ৷ কংগ্ৰেছ দলৰ নীতি সম্পৰ্কত আলোচনা হ’বলগীয়া বৈঠকখন, উচ্চতম ন্যায়ালয়ৰ প্ৰতি লক্ষ্য ৰাখি জৰুৰীভাৱে সম্পন্ন কৰা হয় ৷ উক্ত বৈঠকত উপস্থিত থাকে তৰুণ গগৈ,জিতিন প্ৰসাদ,মল্লিকাৰ্জুন খৰ্গে,হৰিশ ৰাৱট,কে.চি. বেণুগোপাল,ৰাজীৱ সাতাভকে ধৰি দলটোৰ উচ্চস্তৰীয় কাৰ্যকৰ্তাসকল ৷ কংগ্ৰেছৰ মুখ্য কাৰ্যালয়ত বৈঠকখন অনুষ্ঠিত হয় ৷ 2010 চনত এলাহাবাদ উচ্চ ন্যায়ালয়ৰ ৰায়দানৰ বিৰুদ্ধে কৰা আবেদনৰ ভিত্তিত উচ্চতম ন্যায়ালয়ে অযোধ্যা ভূমিৰ ঐতিহাসিক ৰায়দান প্ৰদান কৰে ৷ ঘোষণা হোৱা ৰায়ৰ প্ৰতি লক্ষ্য ৰাখি প্ৰধানমন্ত্ৰী মোডীয়ে জনসাধাৰণক উদ্দেশ্যি কয় যে,হ’বলগীয়া ৰায়দানে কাৰো জয় হোৱা নুবুজায় ৷ তদুপৰি ছ’চিয়েল মিডিয়াতো শান্তি অটুট ৰখাৰ আহ্বান জনায় মোডীয়ে ৷ ৰায়দানৰ পূৰ্বে দেশৰ সুৰক্ষা ব্যৱস্থা কটকটীয়া কৰা হয় ৷
বৈঠকখনত ন্যায়ালয়ৰ ৰায়দানৰ প্ৰতি সন্মান প্ৰদৰ্শন কৰিবলৈ জনসাধাৰণক আহ্বান জনায় কাৰ্যকৰ্তাসকলে ৷ তদুপৰি বৈঠকৰ অন্তত ন্যায়ালয়ৰ ৰায়ৰ প্ৰতি কংগ্ৰেছ দলে সন্মান জনাই বুলি ব্যক্ত কৰে দলটোৰ কাৰ্যবাহী সমিতিয়ে ৷ উল্লেখ্য যে,উচ্চতম ন্যায়ালয়ৰ পাঁচজনীয়া বিচাৰপীঠে চুন্নী ৱাক্ফ ব’ৰ্ডৰ আবেদন খাৰিজ কৰে ৷ লগতে কেন্দ্ৰীয় চৰকাৰক এক ন্যাস গঠন কৰি ৰাম মন্দিৰ নিৰ্মাণৰ অনুমতি দিয়ে ৷ বাবৰি মছজিদ নিৰ্মাণৰ বাবে সুকীয়াকৈ 5 একৰ মাটি প্ৰদান কৰা হ’ব বুলিও ৰঞ্জন গগৈ নেতৃত্বাধীন 5 জনীয়া বিচাৰপীঠে ঘোষণা কৰে ৷
লগতে পঢ়কঃ তিনি বছৰ পিচত ডিটেনচন কেম্পৰ পৰা মুকলি বঙাইগাঁৱৰ পাঁচ নাগৰিকক
