নিউজ ডেস্ক, 20 মে': লক ডাউনৰ ফলত আবদ্ধ হৈ থকা শতাধিক শ্ৰমিকে নিজ ঘৰলৈ যাবলৈ শ্ৰমিক ৰে'ল পোৱাৰ আশাৰে ভিৰ কৰে কইম্বাটোৰৰ সুন্দৰপুৰম এলেকাত । বুধবাৰে সংঘটিত হয় এই ঘটনা ।
এলেকাটোত ভিৰ কৰা বহু শ্ৰমিকে মাস্ক পৰিধান কৰা নাছিল আৰু লগতে সামাজিক দূৰত্ব কোনেও ৰখা নাছিল ।
উল্লেখ্য যে, মঙলবাৰে চৰকাৰে প্ৰকাশ কৰা তথ্য অনুসৰি ভাৰতত 21 লাখ শ্ৰমিকক 1,595 খন বিশেষ "শ্ৰমিক" ৰে'লেৰে নিজ নিজ গৃহভূমিলৈ কঢ়িয়াই নিছে ।
ভাৰতীয় ৰে'লৱেয়ে আন ৰাজ্য সমূহত আবদ্ধ হৈ থকা শ্ৰমিক সকলক উদ্ধাৰ কৰি নিজ নিজ ৰাজ্যলৈ উভতাই নিয়াৰ বাবে দ্বিতীয় প্ৰৰ্যায়ৰ লক ডাউনৰ শেষৰ ফালে বিশেষ শ্ৰমিক ৰে'লৰ ব্যৱস্থা কৰিছিল । এই সমূহ ৰে'লত শ্ৰমিকৰ লগতে আবদ্ধ হৈ থকা দৰ্শনাৰ্থী, ছাত্ৰ আৰু মহিলা সকলকো নিয়া হৈছিল ।
