মুম্বাই, 3 মে': বিতৰ্কিত ধৰ্ম প্ৰচাৰক জাকিৰ নায়কৰ বিৰুদ্ধে এনফ'ৰ্চমেণ্ট ডাইৰেক্টৰেটে চাৰ্জশ্বীট দাখিল কৰিছে ৷ মুম্বাইৰ বিশেষ আদালতত প্ৰিভেনঞ্চন অ’ফ মানি লণ্ডাৰিং আইনৰ অধীনত জাকিৰৰ বিৰুদ্ধে দাখিল কৰা হৈছে এই চাৰ্জশ্বীট ৷ আনহাতে, বিতৰ্কিত ধৰ্ম প্ৰচাৰকগৰাকীৰ পৰা 50 কোটি টকাৰ অবৈধ সম্পত্তিও জব্দ কৰিছে ইডিয়ে ৷
2016 বৰ্ষৰ 22 ডিচেম্বৰত জাকিৰৰ লগতে একাধিক ব্যক্তিৰ বিৰুদ্ধে আৰ্থিক অনিয়মৰ অভিযোগ দাখিল কৰিছিল ইডিয়ে ৷ সৰ্বমুঠ 196 কোটি 6 লাখ টকাৰ দুৰ্নিতীৰ লগত জড়িত থকাৰ অভিযোগত জাকিৰ নায়কৰ লগতে আন কেইবাগৰাকীও লোকৰ বিৰুদ্ধে ৰুজু কৰিছিল গোচৰ ৷ এই দুৰ্নীতত ধৰ্ম প্ৰচাৰকগৰাকীক সহায় আগবঢ়োৱাৰ বাবে চলিত বৰ্ষৰ 22 মাৰ্চত আব্দুল কাদিৰ নজমুদিন নামৰ এগৰাকী লোককো গ্ৰেপ্তাৰ কৰিছিল ইডিয়ে ৷
