নেশ্যনেল ডেস্ক, ৮অক্টোবৰ: বিমানৰ ভিতৰতে সন্তান প্ৰসৱ কৰিলে এগৰাকী প্ৰসূতিয়ে। দিল্লীৰ পৰা বাংগালুৰু অভিমুখে যাত্ৰা কৰি থকা অৱস্থাতে মহিলাগৰাকীয়ে এটি দেৱশিশুৰ জন্ম দিয়াৰ কথা প্ৰকাশ কৰিছে এগৰাকী বিষয়াই।
নৱজাত শিশুটিৰ বাবে 6E 122 নম্বৰৰ ইণ্ডিগ' বিমানখনে নিৰ্দিষ্ট সময়ৰ পূৰ্বেই বাংগালুৰুত অৱতৰণ কৰে। ইণ্ডিগ'ৰ তৰফৰ পৰা এই কথা প্ৰকাশ কৰা হৈছে।
পাইলটসহ বিমানৰ কৰ্মচাৰীৰ সৈতে কণমানিটোৰ ফটো ভাইৰেল হৈ পৰিছে ছ'ছিয়েল মিডিয়াত। বিমানৰ কৰ্মচাৰীৰ কামক প্ৰশংসা কৰিছে সকলোৱে। বিমানৰ কৰ্মচাৰীৰ তৎপৰতাতে মহিলাগৰাকীয়ে এটি ল'ৰা সন্তানৰ জন্ম দিয়ে।
লগতে পঢ়ক: আমেৰিকাৰ পৰা সশস্ত্ৰ ড্ৰোণ কিনাৰ কোনো সিদ্ধান্ত লোৱা নাই প্ৰতিৰক্ষা মন্ত্ৰালয়ে
